|
|
 |
Talaado, 19.11.2002 - 05:37 Wakhtiga London
|
Doorashooyinka Kenya oo si rasmiya u bilaabmay
Uhuru Kenyatta waa ninka uu Madaxweyne Daniel arap Moi uu soo xushay |
Labada nin ee u sharaxan madaxweyninimada waddanka Kenya ayaa Isniintii ka hadlay kulammo kala duwan oo Nairobi ka dhacay, ka dib markii ay gudbiyeen waraaqdihii ay doorashada uga qeybgalayeen.
Madaxweyne Daniel arap Moi oo dastuurka cusub u ogolayn in uu madaxweyninimo u tartamo ayaa musharaxa xisbiga KANU ee waddanka taladiisa haya u raacay xafiiska guddiga doorashada qabanqaabinaya, ka hor intii aysan bannaanbax ay isugu yimaaddeen boqolaal taageerayaashooda ah ugu tagin fagaaraha beerta xoriyadda ee Nairobi.
Sidoo kale musharax muhiimka ah ee mucaaradka, Mwai Kibaki ayaa isaguna guddiga doorashada u gudbiyey waraaqihii uu uga qeybgalayey doorashada, ka dibna uu u gudbay garoonka Nyayo Stadium oo ay ku sugayeen boqolaal ka mid ah taageerayaashiisa, si uu u bilaabo ololaha doorashada.
Dadka reer Kenya waxa ay goobaha doorashada u dareeri doonaa maalinta 27-ka December si ay u soo doortaan, madaxweyne, xubnaha baarlamanka iyo hawlwadeenno kale.
Meelo La xira
Iyadoo Isniiniintii laga cabsi qabay in taageerayaasha labada dhinac ay isku dhacaan ayaa goobo ganacsi oo badan oo ku yaalla xudunta Nairobi la xiray.
Laga bilaabo waabarigii maalintii Isniinta, waxa magaalda qarqiyey kumannaan kala taageerayey labada musharax oo waddooyinka magaalada isku fidiyey.
Dadkaasi waxa ay gashanaayeen funaanado ay ku kal sawiranyihiin labada musharax iyo koofiyado, waxayna ku heesayeen hal-qabsiyo ay ku muujinayaan taageerada ay qolo kasta u hayso musharaxooda isla markaana waxa ay lulayeen calamo.
|
|
| NAGALA
SOO XIRIIR |
|
| Email:
somali@bbc.co.uk |
|
Qoraalka
Noo soo Dir:
BBC
Somali Service, 116 CB Bush House, PO Box 76, Strand, London, WC2B
4PH |
Tel:
+
44 020 7557 1631
Fax:+
44 020 7497 1374 |
|
