|
|
 |
Khamiis, 26.07.2001 - 15:26 Wakhtiga London
|
Cabdullaahi Yusuf: Madaxweynaha sharciga ahi waa aniga
Cabdullaahi Yusuf |
Cabdullaahi Yusuf Axmed, ayaa ku gacan sayray hoggaamiyayaasha dhaqanka ee Puntland ee shalay soo saaray go'aan ay si ku simid ah Madaxtinnimada ugu magacaabeen Yusuf Xaaji Nuur.
Salaaddiinta Puntland waxay sheegeen in ay go'aankaas u cuskadeen dastuurka Puntland.
Cabdullaahi wuxuu ku tilmaamay in uu waxba kama jiraan yahay go'aanka ay soo saareen duqeydu.
Arrintu ma ahan arrin qabiil. Ma ahan mid dhaqan. Mana aha arrin shareeca Islaam. Arrintu waxa weeye dastuur iyo sharci uu bani'aadam degsado oo uu ku dhaqmo. Taasaa lagu kala baxahayaaye si kale lagu kala bixi mayo. Maslaxa ma jirto,wax kalena ma jiraan 
| | Cabdullaahi Yusuf | Cabdullaahi Yusuf oo wareysi ay BBC-du maanta la yeelatay, ayaa sheegay in aan Hoggaamiyayaasha dhaqanku aanay awood dastuuri ah iyo mid siyaasadeed toona u lahayn in ay magacaabaan cidda Puntland hoggaamineysa.
Waxaa uu ku tilmaamay dadka go'aankan gaaray qaarkood in ay u shaqeynayaan Carta iyo Asal raac asagoo ula jeeda dowladda KMG-ka ah iyo kooxaha diinta.
Cabdullaahi Yusuf waxaa uu ku tilmaamay in hoggaamiyayaasha dhaqanku ay kaalin ku leeyihiin dhexdhexaadinta khilaafaadka beelaha, taasna ay ku xushmeysan yihiin.
Si kastaba ha ahaatee, waxaa maanta magaalada Garowe bannaanbax isugu soo baxay taageerayaasha Cabdullaahi Yusuf Axmed.
|
|
| NAGALA
SOO XIRIIR |
|
| Email:
somali@bbc.co.uk |
|
Qoraalka
Noo soo Dir:
BBC
Somali Service, 116 CB Bush House, PO Box 76, Strand, London, WC2B
4PH |
Tel:
+
44 020 7557 1631
Fax:+
44 020 7497 1374 |
|
