නරේන්ද්‍ර මෝඩි ජපානයේ සංචාරයක

  • 30 අගෝස්තු 2014

ඉන්දියානු අගමැති නරේන්ද්‍ර මෝඩි සිය ධුරයට පත් වීමෙන් අනතුරුව ප්‍රථම වතාවට ඉන්දියාවට අසල්වැසි රටක් වන ජපානයට දින පහක සංචාරයක් සඳහා පිටත් වී ඇති බව වාර්තා වේ.

සංචාරය සඳහා පිටත් වීමට පෙර අගමැතිවරයා ප්‍රකාශයක් කරමින් කියා සිටියේ ඉන්දියාව සහ ජපානය අතර ආරක්ෂක සහ බලශක්තිය වැනි අංශ සඳහා පවතින සහයෝගිතා වර්ධනය කර ගැනීම සහ ජපානය වෙනුවෙන් ඉන්දියාව තුල ඇති ධන ආකල්ප සම්බන්ධයෙන් සාකච්ඡා කිරීම මෙහි අරමුණ බවයි.

නමුත් වාර්තාකරුවන් පවසන්නේ දිල්ලියේ ආරක්ෂක අංශ සඳහා ජපානයෙන් සෙවුම් සහ මුදවා ගැනීමේ මෙහෙයුම් සඳහා යොදා ගන්නා යානා මිලදී ගැනීමට ඉන්දියාවට අවශ්‍ය ව ඇති බවකි.

ජපානයේ සහ ඉන්දියාවේ අගමැතිවරයන් කලාපය තුල බලවතෙකු බවට පත් වෙමින් සිටින චීනය, තර්ජනයක් වීමේ අවදානම මැඩලීම සම්බන්ධයෙන් සම ආකල්ප දරන බවයි ඔවුන් වැඩි දුරටත් කියා සිටින්නේ.