වසර ගණනක් දැරියන් 1400 ක් ලිංගික අපයෝජනයේ

අවසාන යාවත්කාලීන කිරීම :  2014 අගෝස්තු 27 බදාදා - 17:07 GMT

"රොදරම් නගර සභාවේ නායකත්වය මෙන්ම ජ්‍යෙෂ්ඨ කළමනාකරුවන් එකාබද්ධව වගකීම් පැහැර හැරලා" - මහාචාර්ය ඇලෙක්ෂීස් ජේ.

සංවිධානාත්මක කල්ලියක් විසින් බාල වියේ දැරියන් 1400 පමණ දෙනා වසර ගණනාවක් මුළුල්ලේ ලිංගික අපයෝජනයට ලක් කොට තිබෙන බව උතුරු එංගලන්තයේ සිදු කෙරුණු පරීක්ෂණයකින් අනාවරණය වෙයි.

1997 සිට 2013 අතර කාලය තුල සිදු කෙරුණු මේ අපරාධ පිළිබඳව චෝදනා ලබන්නේ බ්‍රිතාන්‍යවාසී පාකිස්තාන ජාතිකයන්.

අපරාධකරුවන් විසින් 11 වියැති දැරියන් පවා දුෂණය කොට ඔවුන් පැහැර ගෙන ගොස් එංගලන්තයේ වෙනත් පළාත්වලට රැගෙන ගොස් පහරදී තර්ජනය කොට බිය ගන්වා රඳවා ගෙන සිටි බවට පරීක්ෂණවලින් හෙළිවී තිබේ.

මෙම ළමා අපචාර සිද්ධීන් පිළිබඳව නිල පරීක්ෂණයේ තොරතුරු අනාවරණය කරනු ලැබුවේ මහාචාර්ය ඇලෙක්ෂීස් ජේ.

වගකීම්

රොදරම් නගර සභාවේ නායකත්වය මෙන්ම ජ්‍යෙෂ්ඨ කළමනාකරුවන් එකාබද්ධව වගකීම් පැහැර හැර ඇති බව පරීක්ෂණයෙන් හෙළිවන බවයි ඇය පැවසුවේ.

ඔවුන් ප්‍රශ්නයේ බරපතලකම අවතක්සේරු කොට ඇති බව පවසන මහාචාර්ය ඇලෙක්ෂී ජේ, දකුණු යෝක්ෂයර් පොලීසිය මේ ප්‍රශ්නයට මුල් තැන දී කටයුතු කිරීමට අසමත් වී ඇති බවත් ප්‍රකාශ කළාය.

රොදරම් පළාත් සභාවේ කාර්ය මණ්ඩලයේ සමහරකු අපරාධකරුවන්ගේ වාර්ගිකත්වය පිළිබඳව තොරතුරු අනාවරණය කිරීමට බිය පල කොට ඇති බවත් ජාතිවාදීන් වශයෙන් හංවඩු ගැසෙන නිසා එසේ කළ බවත් ඔවුහු පවසති.

පොලීසිය අක්‍රීයයි

අපරාධකරුවන්ගේ ගොදුරු බවට පත්වූ දැරියන් පවසන්නේ තමන් දුෂණයට ලක් කල සියලු දෙනා බ්‍රිතාන්‍යයේ වෙසෙන පාකිස්තාන් ජාතිකයන් බවයි.

වසර 2002, 2003 සහ 2006 යන වසරවලදීත් මෙම සිද්ධීන් පිළිබඳ විමර්ශන සිදුකොට ඇති අතර එම වාර්තා පොලීසියටත්, රොදරම් නගර සභාව වෙතත් ලබා දී තිබේ.

එහෙත් පොලීසියත්, රොදරම් නගර සභාවත් ඒ අනුව ක්‍රීයාත්මක වී නැති බව පරීක්ෂණවලින් අනාවරණය වී තිබේ.

වැඩි තොරතුරු සඳහා

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.