කේරළ ප්‍රාන්තයේ මත්පැන් තහංචියක්

අවසාන යාවත්කාලීන කිරීම :  2014 අගෝස්තු 22 සිකුරාදා - 10:47 GMT

මත්පැන් පානය කිරීම සහ වෙළඳාම තහනම් කිරීම සඳහා නීති සකස් කිරීමට ඉන්දියාවේ කේරළ ප්‍රාන්තය පියවර ගෙන තිබේ.

මෙහි පළමු පියවර ලෙස කේරලයේ මත් පැන් බීම සැල් සහ වෙළඳ සැල් හත්සියයකට අධික ප්‍රමාණයක් වසා දැමීමටත් මතින් තොර දින හඳුන්වා දීමටත් නියමිතයි.

රජයේ ඉලක්කය වී තිබෙන්නේ වසර දහයක කාලයක් ඇතුළත කේරළ ප්‍රාන්තයේ මත්පැන් සම්පූර්ණයෙන්ම තහනම් කිරීමට පියවර ගැනීමටයි.

ඉන්දියාවේ එක් පුද්ගලයෙකු විසින් පානය කරන මත්පැන් ප්‍රමාණයේ ඉහල ම ප්‍රතිශතය වාර්තා වන්නේ කේරළ ප්‍රාන්තයෙන් වන අතර වාර්ෂිකව එක් පුද්ගලයෙකු පානය කරන මත්පැන් ප්‍රමාණය ලීටර් අටක් පමණ වේ.

අධික මත්පැන් පානය හේතුවෙන් මාර්ග අනතුරු ඉහල ගොස් ඇති අතර විවාහයන් අසාර්ථක වීමටද මෙම ගැටලුව බෙහෙවින් බලපාන බවයි මත්පැන් විරෝධී ක්‍රියාධරයන් පවසන්නේ.

වෛද්‍යවරුන් කියා සිටියේ ප්‍රාන්තයේ මත්පැන් වලට ඇබ්බැහි වුවන් පුනරුත්තාපනය කිරීමේ කඳවුරු පිරී ගොස් ඇති අතර අධික මත්පැන් පානය නිසා වැළඳෙන රෝග වලින් පීඩා විඳින රෝගීන්ගෙන් රෝහල් පිරී ඇති බවයි.

ඉදිරි මාස වලදී ක්‍රියාත්මක කිරීමට සැරසෙන පුළුල් වැඩපිළිවෙළත් සමග මත්පැන් වලින් තොර කේරළ ප්‍රාන්තයක් සඳහා වූ බලාපොරොත්තුව සාර්ථක කර ගැනීමට හැකි වනු ඇති බව ප්‍රාන්තයේ අගමැති උන්මන් චාන්ඩි පවසයි.

වැඩි තොරතුරු සඳහා

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.