ඉන්දියාව කැලඹුව විලාසිතා ඡායා රූප

අවසාන යාවත්කාලීන කිරීම :  2014 අගෝස්තු 7 බ්‍රහස්පතින්දා - 13:39 GMT

ශ්‍රව්‍ය දෘශ්‍ය වාදනය

ඉන්දියාවේ කාන්තා ලිංගික හිංසනය ප්‍රතිනිර්මාණය කරන විලාසිතා ඡායා රූප දැක්මක් වෙබ් අඩෙවියක පළ වීමෙන් ඉන්දීය සමාජය කැළඹෙයි.

නරඹන්න​mp4

මෙය වාදනය කිරීම සඳහා අලුත්ම Flash Player බාගතකලයුතු අතර Java Script අනිවාර්යයෙන්ම ක්‍රියාත්මක කළයුතුය

Windows player යොදාගෙන වාදනය කරන්න

ඉන්දියාව කැලඹුව විලාසිතා ඡායා රූප

00:03:21

ඉන්දියාවේ කාන්තා ලිංගික හිංසනය ප්‍රතිනිර්මාණය කරන විලාසිතා ඡායා රූප දැක්මක් වෙබ් අඩෙවියක පළ වීමෙන් ඉන්දීය සමාජය කැළඹෙයි.

රාජ් ෂෙට්ටි නමැති මෙම ඉන්දියානු ඡායා රූප ශිල්පියා විසින් ගෙන ඇති එම ඡායා රූප වලින් දැක්වෙන්නේ කාන්තාවක් බස් රියකදී අතවරයට පත් වීමට එරෙහිව බස් රියේ සිටින පුද්ගලයන් සමග අරගලයක යෙදෙන ආකාරයයි.

ඉන්දියාව තුළ දිගින් දිගටම සිදු වන දූෂණ සහ ඝාතන සම්බන්ධයෙන් සමාජය කැලඹී ඇති මොහොතක එම තේමාවෙන් විලාසිතා ඡායා රූප වෙබ් අඩවියක පළ කිරීම සම්බන්ධයෙන් ඉන්දියානු ජනතාව කෝපයට පත් වී තිබේ.

අමිහිරි අත්දැකීම

‘ට්විටර්’ අඩවියේ සහ ‘ෆේස්බුක්’ අඩවියේ ඒ සම්බන්ධයෙන් විවිධ පුද්ගලයන් තම අදහස් දක්වමින් කියා සිටියේ එම ඡායා රූප පිළිකුල් සහගත වන අතර එමගින් දූෂණ සහ ඝාතන පිළිබඳ බිහිසුණු ආවර්ජනයක් සිදු කරන බවයි.

ඡායාරූප ශිල්පී රාජ් ෂෙට්ටි කියා සිටියේ වර්තමානයේ ඉන්දියානු සමාජය තුළ කාන්තාවන් මුහුණ දෙන තත්වය පිළිබිඹු කිරීම තමන්ගේ අරමුණ වූ බවත් එය දූෂණය ප්‍රතිනිර්මාණය කිරීමක් නොවන බවත්ය.

‘ෆේස්බුක්’ අඩවියේ සහ ‘ට්විටර්’ අඩවියේ පළ කෙරුණ දැඩි විරෝධය හේතුවෙන් මේ වන විට ආන්දෝලනයට පත් වූ ඡායා රූප අදාළ වෙබ් අඩවියෙන් ඉවත් කර තිබේ.

කායික චිකිත්සාව ඉගෙන ගත් විසි තුන් වියැති ඉන්දියානු ශිෂ්‍යාවක් බස් රියක ගමන් ගන්නා අතර පැහැර ගෙන ගොස් දූෂණය කොට ඝාතනය කිරීමේ සිද්ධියෙන් පසු ඉන්දියාවේ විශාල විරෝධතා ව්‍යාපාර ක්‍රියාත්මක කෙරුණු අතර එමගින් දූෂණ අපරාධ වැළැක්වීමට නව නීති හඳුන්වා දෙන මෙන් රජයට බල කෙරිණ.

මෙම ඡායා රූප විවේචනය කරන්නන්ගේ අදහස වී ඇත්තේ මෙම ශෝක ජනක සිදුවීම විලාසිතා ප්‍රචලිත කිරීමට යොදා ගැනීම ඉතා පහත් සහ අනුමත කළ නොහැකි ක්‍රියාවක් බවයි.

නමුත් ඡායාරූප ශිල්පී රාජ් ෂෙට්ටි මෙම චෝදනාව ප්‍රතික්ෂේප කරමින් කියා සිටියේ එම සිදුවීම මෙම ඡායා රූප කරණයට තේමාව කර නොගත් බවයි.

තව දුරටත් අදහස් දක්වමින් ඔහු කියා සිටියේ තම අභිලාෂය වුයේ සමාජයේ දුගී හෝ පොහොසත් ඕනෑම කාන්තාවකට අත් විය හැකි ඉරණමක් වන කාන්තා අතවර සමාජයේ ආන්දෝලනයට ලක් වූ මෙවැනි අවස්ථාවක ඒ සම්බන්ධයෙන් අවධානය යොමු කිරීම වන බවයි.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.