භූමි කම්පාවකින් චීනය දෙදරා යයි

  • 3 අගෝස්තු 2014

නිරිත දිග චීනයේ ප්‍රබල භූමි කම්පාවක් සිදු වී තිබේ.

භූමි කම්පාවට හසු වීමෙන් අවම වශයෙන් පුද්ගලයන් එක සිය පනස් දෙනෙකුවත් මිය ගොස් තවත් විශාල පිරිසක් තුවාල ලබා ඇති බවයි චීන මාධ්‍ය වාර්තා කරන්නේ.

යුන්නාන් පළාතේ කඳුකර ප්‍රදේශයක් වටා සිදු වූ කම්පනයේ විශාලත්වය හයයි දශම එකක් ලෙස දර්ශක වල සටහන් වූ බව ඇමරිකානු භූවිද්‍යා පර්යේෂණ ආයතනය පවසයි.

නිවාස හා පාසල් ඇතුළු ප්‍රදේශයේ ගොඩනැගිලි බොහොමයක් භූමි කම්පාවට හසු වීමෙන් විනාශ වී තිබෙන බවයි ප්‍රාදේශීය බලධාරීන් පවසන්නේ.

දෙදහස් අට වසරේ අසල්වැසි සිචුඈන් පළාතේ සිදු වූ භූමි කම්පාවෙන් චීන ජාතිකයෝ දහස් ගණනක් මිය ගියහ.