මෝඩිගේ භාෂා පිළිවෙතට විරෝධය

21 ජුනි 2014 අවසාන වරට යාවත්කාලීන කළේ 10:21 GMT

ඉන්දීය මධ්‍යම රජය විසින් සමාජ මාධ්‍ය මගින් නිල පණිවිඩ හුවමාරු කරගැනීමේදී හින්දි භාෂාව යොදා ගන්නා ලෙසට උපදස් දී තිබීම ජ්‍යෙෂ්ඨ දේශපාලනඥයන්ගේ දෝෂ දර්ශනයට ලක් වෙමින් තිබේ.

ඉන්දීය මධ්‍යම රජය, විශේෂයෙන්ම රජයේ නිලධාරීන්ට උපදෙස් දී තිබෙන්නේ ෆේස් බුක්, ට්විටර්, ගූගල් සහ යු ටියුබ් ආදී මාධ්‍ය මගින් පණිවිඩ හුවමාරු කරගන්නා විට හින්දි භාෂාව පාවිච්චිකරන ලෙසට .

මධ්‍යම රජය සහ ප්‍රාන්ත රාජ්‍ය අතර නිතර සන්නිවේදන කටයුතු සිදු වෙන අතර මෙතෙක් කල් හින්දි කතා නොකරන ප්‍රාන්තවල නිලධාරීන් විසින් ඉංග්‍රීසි භාෂාව රාජ්‍ය භාෂාව ලෙස යොදා ගන්නා ලදී.

හින්දි සහ ඉංග්‍රීසි භාෂාව ඉන්දියාවේ රාජ්‍ය භාෂා දෙකයි. ඉන්දීය නව රජයේ මෙම තීරණය මගින් එරට කුමන බලපෑමක් ඇති කරන්නේද?

බීබීසියේ දකුණු ආසියානු කලාපීය කටයුතු සංස්කාරක එතිරාජන් ඇන්බරසන්ගෙන් මේ විවාදාත්මක රජයේ තීරණය පිළිබඳව විමසීමක් කළා.