මත විමසුම්වලින් මෝඩි ඉදිරියෙන්

  • 12 මැයි 2014
භාරතීය ජනතා පක්ෂයට බහුතර ආසන සංඛ්‍යාවක් හිමිවනු ඇති බව ජනමත සමීක්ෂණවල දැක්වේ

විරුද්ධ පක්ෂයේ අපේක්ෂක නරේන්ද්‍ර මෝඩි ගේ නායකත්වයෙන් යුත් සන්ධානයට ඉන්දීය මහ මැතිවරණයේ ජයග්‍රහණය අත්වනු ඇති බව ජනමත සමීක්ෂණවලින් ඉඟි කෙරේ.

සති හයක් මුළුල්ලේ පැවැත්වුණු මහ මැතිවරණයට සියයට හැට හයක වාර්තාගත ඡන්දදායක සහභාගිත්වයක් පැවති බවයි, මැතිවරණ නිලධාරීන් පවසන්නේ.

භාරතීය ජනතා පක්ෂයට මෙවර ඉන්දීය පාර්ලිමේන්තුවේ බහුතර ආසන සංඛ්‍යාවක් හිමිවනු ඇති බවයි, ජනමත සමීක්ෂණවල දැක්වෙන්නේ.

පාලක කොන්ග්‍රස් පක්ෂයට ලැබෙන ජනතා සහාය විශාල වශයෙන් බිඳ වැටී ඇති බවද සමීක්ෂණවල නිගමනයයි.

එහෙත් මහ මැතිවරණවල ජයග්‍රාහකයන් නම් කිරීම සම්බන්ධ ජනමත සමීක්ෂණවල ප්‍රතිඵල අතීතයේදී එතරම් සාර්ථක වී නැත.

මේ අතර දූෂණ හා අක්‍රමිකතා වලට විරුද්ධව හඬ නගන පක්ෂයේ නායක අරවින්ද් කෙජ්රිවාල් උත්තර් ප්‍රදේශ් ප්‍රාන්තයේදී නරේන්ද්‍ර මෝඩිට දැඩි අභියෝගයක් එල්ල කරමින් සිටියේය.