මහාරාෂ්ට්‍ර ප්‍රාන්තයේ මාවෝවාදී ප්‍රහාරයක්

  • 11 මැයි 2014
නැගෙනහිර සහ මධ්‍යම ඉන්දියාවේ විශාල ප්‍රදේශයක් මාවෝවාදී කැරලිකරුවන්ගේ පාලනයට නතුව පවතී

බටහිර ඉන්දීය මහාරාෂ්ට්‍ර ප්‍රාන්තයේ පුපුරා ගිය බිම් බෝම්බයකින් පොලිස් නිලධාරීන් හත් දෙනෙකු මිය ගිය බව බලධාරීහු පවසති.

වනගත ප්‍රදේශයක ගමන් ගනිමින් සිටින විට දීයි, විශේෂ පොලිස් බලකායේ නිලධාරීන් කණ්ඩායම ප්‍රහාරයට ලක් වී තිබෙන්නේ.

ඉන්දීය මාවෝවාදී කැරලිකරුවන් විසින් ප්‍රහාරය එල්ල කරන ලද බව පවසන පොලිසිය ප්‍රහාරය නිසා තවත් නිලධාරීන් දෙදෙනෙකු තුවාල ලැබූ බවත් ප්‍රකාශ කරයි.

ප්‍රහාරයෙන් පසු දෙපාර්ශවය අතර වෙඩි හුවමාරුවක් ද හටගෙන තිබේ.

නැගෙනහිර සහ මධ්‍යම ඉන්දියාවේ වනගත සහ ග්‍රාමීය ප්‍රදේශ ඇතුළු විශාල භූමි ප්‍රදේශයක් මාවෝවාදී කැරලිකරුවන්ගේ පාලනයට නතුව පවතී.

දුප්පතුන් හා සමාජය විසින් නොසලකා හැරුණු ජන කොටස්වල අයිතීන් දිනා ගැනීමට මෙසේ සටන් වදින බවයි මාවෝවාදී කැරලිකරුවන් පවසන්නේ.