තවත් සුන් බුන් තොගයක් තායිලන්තය දකියි

අවසාන යාවත්කාලීන කිරීම :  2014 මාර්තු 27 බ්‍රහස්පතින්දා - 08:47 GMT

ගුවන් යානා ආපසු පර්ත් නුවර ගුවන් කඳවුරට කැඳවා

අතුරුදහන් වූ යානය සොයා මෙහෙයුම් සිදු කෙරෙන ඉන්දීය සාගරයේ දකුණු ප්‍රදේශයේ පාවෙන කොටස් තුන් සියයක් පමණ තම චන්ද්‍රිකා වලට හසුවී ඇති බව තායිලන්ත අභ්‍යවකාශ ආයතනය පවසයි.

එම කලාපය තුළම පාවෙන කොටස් 122 ක් ප්‍රංශ චන්ද්‍රිකා වලට දර්ශනය වීමෙන් දිනකට පසුවයි තායිලන්තය ඉහත කී කොටස් ඡායාරූප ගත කර ඇත්තේ.

මේ අතරතුර අතුරුදහන් වූ ගුවන් යානය පිළිබඳව ඉන්දීය සාගරයේ කෙරෙන ජාත්‍යන්තර සෝදිසි මෙහෙයුම් අයහපත් කාලගුණය හරස් වීම නිසා අර්ධ වශයෙන් අත්හිටුවා තිබේ.

මෙහෙයුම් කෙරෙන සාගර කලාපය තුළ පවතින සැඩ සුළං සහ වර්ෂාව නිසා කිසිවක් දර්ශනය කළ නොහැකි බවයි බලධාරියෙකු පවසා සිටියේ.

සැඩ සුළං සහ වර්ෂාව නිසා කිසිවක් දර්ශනය කළ නොහැකි බව

ගුවන් යානා ආපසු පර්ත් නුවර ගුවන් කඳවුරට කැඳවා ඇති නමුත් සෙවීමේ කටයුතු වල නිරතව සිටින නෞකා දිගටම මෙහෙයුම් කර ගෙන යාමට උත්සාහ කරන බවයි ඔස්ට්‍රේලියානු බලධාරීන් පවසන්නේ.

ප්‍රංශ චන්ද්‍රිකා ඡායාරූප වලට හසු වූ සුන් බුන් තොගය පවතින ප්‍රදේශය කෙරෙහි ඔවුන්ගේ වැඩි අවධානය යොමු වී තිබේ.

මේ අතරතුර අයහපත් කාලගුණය හරස් වීම නිසා අතුරුදහන් වූ ගුවන් යානය පිළිබඳව කෙරෙන සෝදිසි මෙහෙයුම් අත්හිටුවා තිබේ.

වැඩි තොරතුරු සඳහා

සබැඳි තේමා

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.