කෝප වන්නන්ට හෘදයාබාධ අවදානමක්

  • 4 මාර්තු 2014
කෝපය හිර කර ගෙන සිටින්නන් වැඩි අවදානමක

අධික කෝපයට පත් වන උදවිය හෘදයාබාධ වැළඳීමේ ඉහළ අවදානමකට ලක් වන බව එක්සත් ජනපදයේ සිදු කරන ලද පර්යේෂණයකින් හෙළි වී තිබේ.

හදිසි කෝපයක් ඇතිවී පැය දෙකක් ඇතුළත දී හෘදයාබාධයක් ඇති වීමට පවතින අවදානම පස් ගුණයකින් ඉහළ යන බවයි වෛද්‍යවරුන් පවසන්නේ.

නිතරම පාහේ හදිසි කෝපයට පත් වන උදවිය මුහුණ දෙන අවදානම ක්‍රමයෙන් ඉහළ යන බවද මෙම පර්යේෂණයෙන් හෙළි වී තිබේ.

ඇති වූ කෝපය පිට කරන අයට වඩා කෝපය හිර කර ගෙන සිටින්නන් හෘදයාබාධයක් වැළඳීමේ වැඩි අවදානමකට මුහුණ දෙන බවද මෙම පර්යේෂණය මෙහෙයවූ වෛද්‍යවරු පවසති.