වියට්නාමයේ තිස් දෙනෙකුට මරණ දණ්ඩනය

අවසාන යාවත්කාලීන කිරීම :  2014 ජනවාරි 20 සඳුදා - 17:16 GMT

මරණ දණ්ඩනය හිමි වූ මෙම පිරිස අතර කාන්තාවන් නව දෙනෙක්

මත් ද්‍රව්‍ය ජාවාරම් කළ බවට චෝදනා ලත් තිස් දෙනෙකුට වියට්නාමයේ අධිකරණය මරණ දණ්ඩනය නියම කරයි.

හෙරොයින් ටොන් දෙකකට ආසන්න ප්‍රමාණයක් වියට්නාමය හරහා චීනයට ප්‍රවාහනය කිරීමට සම්බන්ධ වීම නිසා මරණ දණ්ඩනය හිමි වූ මෙම පිරිස අතර කාන්තාවන් නව දෙනෙකු ද සිටින බවයි වාර්තා වන්නේ.

වියට්නාමය තුළ මත් ද්‍රව්‍ය චෝදනා යටතේ ගොනු කළ විශාලතම නඩු විභාගය මෙය යි.

චුදිතයන් විශාල පිරිසක් සිටීමත්, චෝදනාවේ ඇති බරපතල භාවයත් සැලකිල්ලට ගනිමින් මෙම නඩු විභාගය පැවැත්වුණේ බන්ධනාගාරය තුළදීමයි.

මෙම ජාවාරමට සම්බන්ධ වූ තවත් පිරිසකට ජීවිතාන්තය දක්වා සිර දඬුවම් නියම විය.

සබැඳි තේමා

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.