බංග්ලාදේශ් ඇඟලුම් සේවකයන්ට වන්දි අරමුදලක්

අවසාන යාවත්කාලීන කිරීම :  2013 දෙසැම්බර් 24 අඟහරුවාදා - 17:47 GMT

වන්දි ගෙවීම සඳහා ඩොලර් දශ ලක්ෂ ගණනක අරමුදලක්

පසුගිය අප්‍රියෙල් මාසයේ බංගලාදේශයේ ඇඟලුම් කම්හලක් කඩා වැටීමෙන් අනතුරට පත් වූ සේවක සේවිකාවන්ට වන්දි ගෙවීම සඳහා ඩොලර් දශ ලක්ෂ ගණනක අරමුදලක් පිහිටුවීමට යයි.

නිමි ඇඳුම් නිෂ්පාදනයේ සහ වෙළඳාමේ යෙදෙන ලොව ප්‍රධාන පෙලේ ආයතන කිහිපයක් ඊට එකඟ වී සිටිති.

අනතුරට පත් අයට වන්දි ගෙවීමට ඩොලර් මිලියන හතළිහක් පමණ අවශ්‍ය වන බවයි අන්තර්ජාතික කම්කරු සංවිධානයේ බලධාරියෙකු කියා සිටියේ.

ඉහත කී අරමුදලට එක් වෙළඳ ආයතනයක් ලබා දෙන මුදල නිශ්චිතව සඳහන් කර නැති නමුත් මෙය තීරණාත්මක පියවරක් ලෙසින් වෘත්තීය සමිති නියෝජිතයෝ හඳුන්වා දෙති.

පසුගිය අප්‍රියෙල් මාසයේ දී බංගලාදේශයේ ඩකා අගනුවර පිහිටි රානා ප්ලාසා ඇඟලුම් කම්හල කඩා වැටීම නිසා සේවක සේවිකාවෝ දහසකට අධික පිරිසක් මරණයට පත් වුහ.

සබැඳි තේමා

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.