කලල දහයක දරු ගැබක්

අවසාන යාවත්කාලීන කිරීම :  2013 දෙසැම්බර් 19 බ්‍රහස්පතින්දා - 13:54 GMT

බහු දරු උපතක් පිලිබඳ සංරක්‍ෂිත ඡායාරූපයක්

කාන්තාවක් පැය කිහිපයක් ඇතුළත මියගිය දරු කලල දහයක් ප්‍රසූත කිරීමේ අසාමාන්‍ය සිදුවීමක් ඉන්දියාවේ මධ්‍ය ප්‍රදේශයේ ‘රේවා’ නගරයේ සන්ජේ ගාන්ධි අනුස්මරණ රෝහලින් වාර්තාවෙයි.

අන්ජු කුෂ්වා නම් විසි අට හැවිරිදි කාන්තාවක් පසු ගිය ඉරිදා එම බහු කලල ප්‍රසූතිය සිදු කර ඇත්තේ ඇය රෝහල වෙත රැගෙන එන අතර මග දී බවත් වාර්තා වෙයි.

රෝහල් වෛද්‍ය කණ්ඩායම විසින් පිරික්සන මොහොත වන විට ඇය කලල නමයක් අතරමග දී ප්‍රසූත කර තිබුණු අතර තවත් එක් මළ දරු කලළයක් ගර්භාෂය තුල ඉතිරි වී තිබිණි.

සන්ජේ ගාන්ධි රෝහලේ ජේෂ්ඨ වෛද්‍ය එස්.කේ.පතක් බීබීසී හින්දි සේවයට පැවසුවේ, මේ සිදුවීමට පසුබිම් වූ හේතුව පිළිබඳ ව තවමත් නිරීක්ෂණය කරමින් සිටින අතර, අධිමාත්‍ර ඖෂධ භාවිතය ඊට හේතුවක් විය හැකි බවයි.

එම කාන්තාවගේ පවුලේ සාමාජිකයින් පවසන්නේ “ගැබ් සරු කිරීමේ”(IVF) ප්‍රතිකාර කිසිවක් ඇය විසින් ගෙන නැති බවයි.

වෛද්‍යවරු ඇගේ කුස තුළ එක් කලලයකට වඩා ඇති බව සොයා ගැනීමෙන් පසු ඉන් කළල කිහිපයක් විනාශ කොට එක් කලලයක් රැක ගැනීමට යෝජනා කල අවස්ථාවේ අන්ජුගේ සැමියා ඊට විරෝධය පළ කොට ඇති බවයි පැවසෙන්නේ.

ප්‍රසූත කරන ලද සියලු දරු කලල ගර්භාෂය තුළ ම මියගොස් තිබුණ අතර සති දොළහක නොමේරූ කලලයක් ද විය.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.