ඇමෙරිකාවට එරෙහිව දිල්ලියේ විරෝධතා

අවසාන යාවත්කාලීන කිරීම :  2013 දෙසැම්බර් 18 බදාදා - 19:07 GMT

ශ්‍රව්‍ය දෘශ්‍ය වාදනය

නිවුයෝක් නුවරදී රාජ්‍යතාන්ත්‍රික නිලධාරිනියකගේ ඇඳුම් ගලවා පරීක්ෂා කිරීම පිළිබඳව ඇමෙරිකාවට විරෝධය පාමින් දිල්ලි අගනුවර විරෝධතා.

නරඹන්න​mp4

මෙය වාදනය කිරීම සඳහා අලුත්ම Flash Player බාගතකලයුතු අතර Java Script අනිවාර්යයෙන්ම ක්‍රියාත්මක කළයුතුය

Windows player යොදාගෙන වාදනය කරන්න

නිවුයෝක් නුවරදී පසුගිය සතියේ අත් අඩංගුවට ගෙන ඇඳුම් ගලවා පරීක්ෂා කරන ලද රාජ්‍යතාන්ත්‍රික නිලධාරිනිය යලි සිය රට ගෙන්වා ගන්නා බව ඉන්දීය බලධාරීහු අවධාරණය කරති.

ඇයට සලකන ලද ආකාරය පිළිබඳව ඇමෙරිකා එක්සත් ජනපදයට එරෙහිව ඉන්දියාවේ ජනතා කෝපය උත්සන්න වෙමින් තිබියදීයි, ආණ්ඩුව එම ප්‍රකාශය කළේ.

හින්දු ජාතිකවාදී ශිව සේනා ව්‍යාපාරයද නව දිල්ලි නගරයේ ඇමෙරිකානු තානාපති කාර්යාලය ඉදිරිපිට විරෝධතා ව්‍යාපාරයක නිරතව සිටියේය.

විරෝධතා පාඨ ලියවුන බැනර් රැගෙන ඇමෙරිකාවට එරෙහිව විරෝධතාවයන්හි යෙදී සිටි උද්ඝෝෂකයෝ "ඔබාමා! පිබිදෙනු! න්දියානුවන්ට අවමන් කිරීම නතර කරනු!”වැනි සටන් පාඨ හඬ නැගූහ.

නිවුයෝක් නුවර නියෝජ්‍ය කොන්සල් ජනරාල් දිව්‍යානි කෝබ්‍රාගාඩේ වහාම යලි සිය රට ගෙන්වා ගැනීම සිය වගකීම බව විදේශ අමාත්‍ය සල්මාන් කුර්ශීඩ් පාර්ලිමේන්තුව අමතමින් කියා සිටියේය.

වීසා විධිවිධාන උල්ලංඝනය කළ බවට සහ සිය නිවසේ මෙහෙකාරියට නිසි වැටුප් නොගෙවූ බවට චෝදනා එල්ල වීමෙන් අනතුරුව, දිව්‍යානි කෝබ්‍රාගාඩේ අත් අඩංගුවට ගත් එක්සත් ජනපද බලධාරීහු ඇය සිර කූඩුවක රඳවා තැබූහ.

මේ සිදුවීම ඉන්දියාව සමඟ පවතින පුළුල් සම්බන්ධතාවලට බලපෑමක් කළ යුතු නැතැයි පවසමින්, එක්සත් ජනපද රාජ්‍ය දෙපාර්තමේන්තුව එය එතරම් වැදගත් සිදුවීමක් නොවන බව හුවා දැක්වීමේ උත්සාහයක යෙදින.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.