විෂ සහිත අප ද්‍රවය දැවැන්ත ගැට‍ළුවක්

අවසාන යාවත්කාලීන කිරීම :  2013 නොවැම්බර් 21 බ්‍රහස්පතින්දා - 16:57 GMT
waste-ghana

ලොව පුරා විසි කෝටියක් පමණ ජනතාව විෂ සහිත අපද්‍රව්‍ය වලට ගොදුරු වී ඇති බව වාර්තාවකින් හෙළිදරව් වී ඇත.මෙම විෂ සහිත අපද්‍රවය වලින් ජනතා සෞඛ්‍යයට එල්ල වෙන තර්ජනය ක්ෂය රෝගය සහ මැලේරියාව වැනි අසනීප වලින් එල්ල වන අනතුරට සමාන බව වාර්තාවේ සම්පාදකයෝ පෙන්වා දෙති.

මෙම අධ්‍යනය සිදු කළ බ්ලැක් ස්මිත් ආයතනය සහ ග්‍රීන් ක්‍රෝස් සංවිධානය කියා සිටින්නේ, ගැටලුව පාලනය කිරීම සඳහා දැනට වඩා වැඩි යමක් කල යුතු බවයි.

රටවල් හතළිස් නමයක දී ස්ථාන තුන්දහසක දීයි මෙම අධ්‍යනය සිදු කොට තිබෙන්නේ.

waste

ඉහත කී අධ්‍යයනයට ශ්‍රී ලංකාවත් ඇතුල් වූ බව,බ්ලැක් ස්මිත් ආයතනයේ පර්යේෂකයෙක් සහ නිව්යෝර්ක් හි ‘ සිටි’ විශ්වවිද්‍යාලයේ මහජන සෞඛ්‍යය පිළිබඳ මහාචාර්ය ජැක් කැරවානොස් බී බී සී යට කියා සිටියේය.

ශ්‍රි ලංකාවේ පාරිසරික අපද්‍රව්‍ය හේතුවෙන් මතු වෙන ගැට‍ළු පිළිබඳ කළ විමසුමකට පිළිතුරු දුන් මහාචාර්ය ජැක් කැරවානොස් කියා සිටියේ, ආසියානු කලාපයේ සෙසු නගරවල තිබෙන ගැට‍ළු ශ්‍රී ලංකාවටත් පොදු බවයි.

විශේෂයෙන්ම බැටරි වල ඊයම් ලබා ගැනීමට ගන්නා උත්සාහයේ දී පරිසරයට විෂ එක් වීමට ඇති ඉඩකඩ ශ්‍රී ලංකාවේ දී දැකිය හැකි බව මහාචාර්ය ජැක් කැරවානොස් පෙන්වා දෙයි. ලෝක බැංකුව සහ ලෝක සෞඛ්‍යය සංවිධානය එක් ව සිදු කොට ඇති අධ්‍යනයක් මගින් සංවර්ධනය වෙමින් පවතින ලෝකයේ සිදු වෙන මරණ වලින් සියයට විසි තුනක්ම සිදුවන්නේ, පරිසර දූෂණය ඇතුළු පාරිසරික සාධක හේතුවෙන් බව අනාවරණය වී ඇත.

සබැඳි තේමා

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.