දිල්ලි නුවර පොලිස් ප්‍රධානී ඉල්ලා අස්වීම ප්‍රතික්ෂේප කරයි

අවසාන යාවත්කාලීන කිරීම :  2013 අප්‍රේල් 22 සඳුදා - 12:25 GMT
සති අන්තයේ දිල්ලි අගනුවර විරෝධතා ව්‍යාපාර

සති අන්තයේ දිල්ලි අගනුවර විරෝධතා ව්‍යාපාර

ඉන්දියාව පුරා මහත් ආන්දෝලනයක් ඇති වීමට හේතු වූ, පස් හැවිරිදි ළාබාල දැරිය දූෂණය කරනු ලැබීමේ සිද්ධියේදී පොලිසිය ක්‍රියාත්මකව ඇති ආකාරය මුල්කර ගෙන, පදවියෙන් ඉවත්ව යන මෙන් ඉදිරිපත් වෙමින් ඇති ඉල්ලීම්, දිල්ලි අගනුවර භාර පොලිස් ප්‍රධානී,නීරාජ් කුමාර් (Neeraj Kumar) විසින් ප්‍රතික්ෂේප කරනු ලැබුණි.

එම දූෂණය ,කුරිරු මානසිකත්වයෙන් යුතුව සිදු කෙරුණ අපරාධයකැයි කියාසිටි පොලිස් ප්‍රධානියා,තමා පදවියෙන් ඉල්ලා අස්වීම මගින් ප්‍රශ්නයට විසඳුමක් නොලැබෙන බවයි කියා සිටියේ.

දූෂණය කෙරුණ දැරියගේ දෙමව්පියන් ඒ ගැන කතා නොකර නිහඬව තැබීම සඳහා ,පොලිස් නිලධාරියකු විසින් ඔවුන්ට අල්ලසක් දෙනු ලැබ ඇති බවට ඉදිරිපත් වෙමින් ඇති ප්‍රකාශ සම්බන්ධයෙන්, තමා පරීක්ෂණයක් සිදුකරමින් සිටින බවයි, පොලිස් ප්‍රධානී නීරාජ් කුමාර් (Neeraj Kumar) පවසන්නේ.

පොලිසිය ක්‍රියාකළ ආකාරය

එම ළමා දූෂණයට හවුල්ව ඇතැයි සැකපිට පොලිසිය තවත් පුද්ගලයකු අත්අඩංගුවට ගෙන ඇති බවත් නිවේදනය කෙරිණ.

මේ ළමා දූෂණ අපචාරයේදී පොලිසිය ක්‍රියාකළ ආකාරයට එරෙහිව, සති අන්තයේ දිල්ලි අගනුවර විරෝධතා ව්‍යාපාර දියත් වෙමින් තිබුන බවයි, ඉන්දියාවෙන් ලැබෙන වාර්තා මගින් පැවසෙන්නේ.

සඳුදාත් ,විරෝධතා ව්‍යාපාර දියත් වනු ඇති බවට තොරතුරු ලැබීමත් සමඟ, දිල්ලි අගනුවර උමං දුම්රිය පොළවල් රැසක් වසා දමනු ලැබ තිබුණි .

සබැඳි තේමා

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.