චීන පාලනයේ හිටපු නායකයකුගේ බිරිඳට මරණ දඬුවම

අවසාන යාවත්කාලීන කිරීම :  2012 අගෝස්තු 20 සඳුදා - 13:38 GMT
Gu Kailai

ගු කයිලායි ට ජීවිතාන්තය තෙක් සිරභාරයේ සිටීමට සිදු විය හැකි බවයි පැවසෙන්නේ

බ්‍රිතාන්‍ය ජාතික ව්‍යාපාරිකයකු මරා දැමීයැයි චෝදනා ලද කාන්තාවකට මරණීය දණ්ඩනය නියම කළ චීන උසාවියක් එම දඬුවම අත්හිටවනු ලැබීය.

විත්තිකාරිය චීන පාලනයේ මුදුන් පෙත්තේම සිටි නායකයකුගේ බිරිඳයි.

ගු කයිලායි නම් එම කාන්තාව විසින් සිදුකරන ලද අපරාධය හේතුවෙන් ඇගේ ස්වාමි පුරුෂයාට පාලන තන්ත්‍රයේ ඉහළ පදවි අහිමිවීම වූ අතර, පාලක කොමියුනිස්ට් පක්ෂ නායකත්වයේ වෙනසක් සඳහා සූදානමක් පවතිද්දී පක්ෂ අභ්‍යන්තර බෙදීම් හෙළිදරව් වීමට ද එය පාදක විය.

නීල් හේවුඩ් නම් බ්‍රිතාන්‍ය ව්‍යාපාරිකයාට පසුගිය වසරේ දිනක වස දුන් බව විත්තිකාරිය උසාවියේදී පිළිගත්තාය.

චූදිත කාන්තාවට ජීවිතාන්තය තෙක් සිරභාරයේ සිටීමට සිදු විය හැකි බවයි පැවසෙන්නේ.

එම අපරාධයේදී ඇයට සහාය වූවකුට අවුරුදු නවයක සිර දඬුවමක් නියම විය.

ඒ හැර, අපරාධය වසන් කිරීමට තැත් දැරූ ඉහළ මට්ටමේ පොලිස් නිලධාරීන් හතර දෙනකුට ද වෙනත් නඩු විභාගයකදී සිර දඬුවම් නියම විය.

වැඩි තොරතුරු සඳහා

සබැඳි තේමා

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.