ඉන්දියාවේ නව ජනාධිපති වැඩ භාර ගනී

අවසාන යාවත්කාලීන කිරීම :  2012 ජූලි 25 බදාදා - 15:52 GMT

ඉන්දියාවේ නව ජනාධිපති ප්‍රනාබ් මුකර්ජී

ඉන්දියාවේ නව ජනාධිපති ප්‍රනාබ් මුකර්ජී, අද පදවියේ වැඩ කටයුතු ආරම්භ කළ අතර ජනාධිපතිවරයා වෙනුවෙන් ආචාර වෙඩි මුරයක් ද පැවැත්විනි.

ප්‍රනාබ් මුකර්ජී, ඉන්දියානු පාලක කොන්ග්‍රස් පක්ෂයේ මුල් පෙළේ නායකයෙක්.

රටේ ආර්ථිකය පසුබෑමකට ලක්වෙමින් තිබෙන අතරවාරයේ, දූෂණ අපචාර රාශියක් නිසා එල්ල වෙමින් ඇති බලපෑම හමුවේ, ප්‍රනාබ් මුකර්ජී ජනාධිපතිවරයා හැටියට පත්වීම කොන්ග්‍රස් පක්ෂයට විශාල ශක්තියක් යළි අත් කර දුන් බවයි, වාර්තාකරුවන් පවසන්නේ.

ඉන්දියානු ජනාධිපති නිලය ගෞරවාන්විත පදවියක් වන්නේ නමුත්, මීළඟ මහා මැතිවරණයේදී කිසිදු පක්ෂයක් නිශ්චිත බහුතර ආසන සංඛ්‍යාවක් දිනා නොගත්තොත්, නව අගමැතිවරයකු නම් කිරීමේදී ප්‍රනාබ් මුකර්ජිට ඔහුගේ අභිමතය පරිදි තීන්දුවක් ගැනීමට අවස්ථාවක් ලැබෙනු ඇත.

ඉන්දියාවේ පළමු කාන්තා ජනාධිපතිවරිය වූ ප්‍රතිභා පතෙල් ගේ නිල කාලය නිමවීමෙන් ඇති වුන පුරප්පාඩුවටයි ප්‍රනාබ් මුකර්ජී පත්කර ගනු ලැබුනේ.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.