එක්සත් ජාතීන්ගේ වාහනයකට පාකිස්ථානයේදී ප්‍රහාරයක්

අවසාන යාවත්කාලීන කිරීම :  2012 ජූලි 17 අඟහරුවාදා - 12:53 GMT
The scene of the attack in Karachchi

ප්‍රහාරයෙන් එක්සත් ජාතීන්ගේ විදේශීය වෛද්‍යවරයෙක් සහ ඔහුගේ රියැදුරා තුවාල ලබා ඇති බව පොලීසිය පවසයි

පාකිස්ථානයේ කරච්චි නගරයේදී තුවක්කු කරුවන් පිරිසක් විසින් එක්සත් ජාතීන්ගේ සංවිධානයේ වාහනයකට වෙඩි තබා ඇතැයි පොලීසිය ප්‍රකාශ කරයි.

ප්‍රහාරයෙන් එක්සත් ජාතීන්ගේ පෝලියෝ මර්ධන වැඩසටහනට අනුබද්ධ විදේශීය වෛද්‍යවරයෙක් සහ ඔහුගේ රියැදුරා තුවාල ලබා ඇති බවයි, පොලීසිය පවසන්නේ.

පෝලියෝ එන්නත ලබාදෙන සායනයක් කරා යමින් සිටියදී වෛද්‍යවරයා ප්‍රහාරයට ලක්වී ඇති බවයි වාර්තා වන්නේ.

පෝලියෝ රෝගය වසංගතයක් ලෙස පැතිර පවතින රටවල් තුනෙන් එකක් හැටියට පාකිස්ථානය නම් කර ඇති පාකිස්ථානය රෝගය සහමුලිම තුරන් කිරීම සඳහා සැකසූ වැඩපිළිවෙලක් පසුගිය සඳුදා සිට ආරම්භ කළ නමුත් තලිබාන් සටන්කාමීන් විසින් පෝලියෝ එන්නත ලබා දීමේ වැඩසටහනට විරෝධය පල කිරීම නිසා ගෝත්‍රික ජන කොටස් දිවිගෙවන ප්‍රදේශ වල එම වැඩපිළිවෙල අත්හිටුවීමට පාකිස්ථාන බලධාරීන් පියවර ගෙන තිබේ.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.