තවත් පක්‍ෂ කාර්යාල නවයකට ප්‍රහාර -කැෆේ

අවසාන යාවත්කාලීන කිරීම :  2014 අගෝස්තු 31 ඉරිදා - 12:23 GMT

පසුගිය සතියේ දී පැය 72 ක් තුළ මොණරාගල දිස්ත්‍රික්කයේ විපක්ෂයේ පක්ෂ කාර්යාල 21 ක් විනාශ කොට තිබුණු බවද වාර්තා විය.

අගෝස්තු 29 සහ 30 දෙ දින වැල්ලවාය සහ මොණරාගල ප්‍රදේශ වලින් මැතිවරණ කාර්යාල නවයකට පහර දීම් වාර්තා වී ඇති බව නිදහස් සහ සාධාරණ මැතිවරණයක් සඳහා වූ කැෆේ සංවිධානය පවසයි.

එජාපයේ කාර්යාල හතරක්, ජවිපෙ කාර්යාල පහක් මෙලෙස ප්‍රහාරයට සහ ගිණි තැබීම්වලට ලක් වී ඇති බවත් එයින් තුනක් මුඵමනින්ම විනාශ වී ඇති බවත් කැෆේ සංවිධානය නිකුත් කළ නිවේදනයක දැක්වෙයි.

පසුගිය සතියේ දී පැය 72 ක් තුළ මොණරාගල දිස්ත්‍රික්කයේ විපක්ෂයේ පක්ෂ කාර්යාල 21 ක් විනාශ කොට තිබුණු බවද ඔවුන් වාර්තා කර තිබුණි.
කැෆේ සංවිධානය විසින් මැතිවරණ කොමසාරිස්වරයාට සහ ප්‍රදේශයේ ජ්‍යෙෂ්ඨ පොලිස් නිලධාරීන්ට අංක තහඩු රහිත සහ ගරාජ් අංක සහිත වාහන මැතිවරණ ව්‍යාපාරයන් හි යෙදවීම පිළිබඳ පැමිණිලි තුනක් ඉදිරිපත් කොට ඇත.

විපක්ෂයේ මැතිවරණ කාර්යාල වෙත දිගින් දිගටම එල්ල වන ප්‍රහාර සහ ඊට සම්බන්ධ පුද්ගලයින්ට එරෙහිව නීතිය ක්‍රියාත්මක නොවීම පිළිබදව කැෆේ සංවිධානය කනගාටුව පළ කරයි.

වැඩි තොරතුරු සඳහා

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.