ලොව හොඳම කථිකයා 'නොමඟ ගිය' ලාංකිකයෙක්

අවසාන යාවත්කාලීන කිරීම :  2014 අගෝස්තු 25 සඳුදා - 13:16 GMT

ශ්‍රව්‍ය දෘශ්‍ය වාදනය

ළමා වියේදී 'නොමඟ ගිය' දඟකාර චරිතයක් වීම හේතුවෙන් නායකත්වය සහ කථිකත්වය පිළිබඳ පුහුණුවකට යොමු කෙරුණු ශ්‍රී ලාංකික තරුණයකුට ලොව දක්ෂතම කථිකයා සම්මානය.

සවන් දෙන්න​mp3

මෙය වාදනය කිරීම සඳහා අලුත්ම Flash Player බාගතකලයුතු අතර Java Script අනිවාර්යයෙන්ම ක්‍රියාත්මක කළයුතුය

Windows player යොදාගෙන වාදනය කරන්න

ලොව හොඳම කථිකයා 'නොමඟ ගිය' ලාංකිකයෙක්

00:04:46

නායකත්වය සහ කථිකත්වය සම්බන්ධයෙන් කටයුතු කරන ලොව ප්‍රධානම ආයතනය සේ සැලකෙන මෙතැන ඔබන්න​ ටෝස්ට්මාස්ටර්ස් ඉන්ටර්නැෂනල් ආයතනය මෙහෙයවන වාර්ෂික ජාත්‍යන්තර කථික ශූරතාවලියෙන් ජයග්‍රහණය කිරීමෙන් අනතුරුව සිය ජීවිතය නව මඟකට යොමු කෙරුණු බව ධනංජය හෙට්ටිආරච්චි පවසයි.

රටවල් විසි හයක තරඟ කරුවෝ 33,000 කට අධික පිරිසක් වසරක් මුළුල්ලේ ලෝක ශූරතාවලියට තරඟ වැද සිටියහ.

පසුගිය සතියේ මැලේසියාවේ ක්වාලාලම්පූර් නගරයේ පැවැත්වුණ ලෝක ශූරතාවලියේ අවසාන මහා තරඟය ජයගත් ධනංජය හෙට්ටිආරච්චි ඉරිදා ශ්‍රී ලංකාවට ලඟා විය.

'තරුණ කාලේ මම පොඩ්ඩක් නොමඟ ගිය පුද්ගලයෙක්'

ලක්ෂ තුනකට වැඩි පිරිසක් සාමාජිකත්වය දරන ටෝස්ට්මාස්ටර්ස් ඉන්ටර්නැෂනල් ආයතනයේ වසර 75 ක ඉතිහාසය තුල ඉංග්‍රීසි භාෂාව මවු භාෂාව නොවන රටක වැසියකු ලෝක ශූරතාවලිය ජයගත් ප්‍රථම වතාව මෙය බව ඔහු බීබීසී සංදේශයට පැවසීය.

"මේක නිසා මුළු ආසියාවේම කට්ටියටත් තියෙනවා ලොකු විශ්වාසයක් දැන් ඒගොල්ලන්ටත් මේක කරන්න පුළුවන් කියල. ඉතින් දැන් මට අවස්ථාව ලැබිල තියෙනව ඒ රටවලට ගිහිල්ල ඒගොල්ලන්ට කථා කරලා එයාල දිරිමත් කරන්න," යනුවෙන්ද ඔහු සඳහන් කළේ සරෝජ් පතිරණ සමඟ සංවාදයකට එක් වෙමින්.

ළමා වියේදී 'නොමඟ ගිය' දඟකාර චරිතයක් වීම හේතුවෙන් සිය පියා විසින් තමා ශ්‍රී ලංකාවේ ටෝස්ට්මාස්ටර්ස් සමාජයක් වෙත යොමු කළ අන්දම ධනංජය කෘතවේදීව සිහිපත් කළේය.

ගතව ගිය දස වසර තුල සිවු වතාවක්ම අවසාන පූර්ව තරඟයට සුදුසුකම් ලැබූ ඔහු, අවසාන මහා තරඟයට සුදුසුකම් ලැබූ පළමු වතාව මෙයයි.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.