ජල උල්පත් තිබියදී බවුසර්වලට මුදල්

අවසාන යාවත්කාලීන කිරීම :  2014 අගෝස්තු 20 බදාදා - 18:03 GMT

ශ්‍රව්‍ය දෘශ්‍ය වාදනය

ගෝමරන්කඩවල සහ මොරවැව ප්‍රදේශයේ ප්‍රයෝජනයට නොගන්නා ස්වභාවික ජල උල්පත් බොහොමයක් තිබියදී ජල බවුසර සඳහා අධික මුදලක් ගෙවන බව ගැමියෝ පවසති.

සවන් දෙන්න​mp3

මෙය වාදනය කිරීම සඳහා අලුත්ම Flash Player බාගතකලයුතු අතර Java Script අනිවාර්යයෙන්ම ක්‍රියාත්මක කළයුතුය

Windows player යොදාගෙන වාදනය කරන්න

ජල උල්පත් තිබියදී බවුසර්වලට මුදල්

00:04:26

වසරකට වැඩි කාලයක් මුළුල්ලේ පවතින දැඩි නියඟය හේතුවෙන් ත්‍රිකුණාමල දිස්ත්‍රික්කයේ ගෝමරන්කඩවල සහ මොරවැව ප්‍රාදේශීය ලේකම් කොට්ඨාශ තුළ පවුල් 6000 කට ආසන්න පිරිසකට පීඩා විඳීමට සිදු වී තිබේ.

සියලු දෛනික කටයුතු පසෙක ලා ජලය සොයා සැතපුම් ගණනක් යාමට සිදු වීම ගැන මෙම ප්‍රදේශවාසීහු මැසිවිලි නගති.

නමුත් ප්‍රයෝජනයට නොගන්නා ස්වභාවික ජල උල්පත් බොහොමයක් ප්‍රදේශය පුරා පවතින බවයි ගෝමරන්කඩවල සහ මොරවැව ප්‍රදේශයේ සංචාරයක නිරත වූ ආර් ජී ධර්මදාස සංදේශයට පවසන්නේ.

කන්තලේ සිට බවුසර මගින් පානීය ජලය සැපයීම සඳහා අධික මුදලක් නාස්ති කරන බව මොරවැව දකුණ ග්‍රාම සංවර්ධන සමිතියේ සභාපති එච් එම් සරත් කුමාර ප්‍රකාශ කළේය.

‘එක ජල බවුසරයක් මෙහාට එන්න රුපියල් පහළොස්දාහක් විතර යනවා කියල තමයි කියන්නේ. මාසෙකට රුපියල් හාරලක්ෂ පනස් දාහක් විතර යනවා. ඒ මුදලින් පුළුවන් ළිං හාරලා, ජල ටැංකි ගහල මුළු ගමටම වතුර දෙන්න.’ එච් එම් සරත් කුමාර පැවසීය.

මේ පිළිබඳව ජල සම්පාදන මණ්ඩලයේ උසස් නිලධාරියෙකු පැවසුවේ ඉහත කී ප්‍රදේශයට ගිය තම නිලධාරීන් එක්තරා භික්ෂුවක් විසින් පලවා හරිනු ලැබූ බවයි.

එම නිලධාරියා තම නම හෙළි කිරීමට අකමැති වී තිබේ.

වැඩි විස්තර සඳහා හඬ පටයට සවන් දෙන්න.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.