සංගක්කාරගේ අමුතු ආචාරය

අවසාන යාවත්කාලීන කිරීම :  2014 අගෝස්තු 17 ඉරිදා - 17:10 GMT

ශ්‍රව්‍ය දෘශ්‍ය වාදනය

කුමාර් සංගක්කාර සිය දැවී යාමෙන් පසු එස්එස්සී පිටියේ සිටි ප්‍රේක්ෂකයන්ට විශේෂ ආචාරයක් දැක්වූ නිසා ඔහුත් ටෙස්ට් ක්‍රීඩාවෙන් සමු ගන්නා බවට මතයක් පැතිර ගියේය.

නරඹන්න​mp4

මෙය වාදනය කිරීම සඳහා අලුත්ම Flash Player බාගතකලයුතු අතර Java Script අනිවාර්යයෙන්ම ක්‍රියාත්මක කළයුතුය

Windows player යොදාගෙන වාදනය කරන්න

සංගක්කාරගේ අමුතු ආචාරය

00:01:25

ශ්‍රී ලංකාව හා සංචාරක පකිස්ථාන ක්‍රිකට් කණ්ඩායම අතර එස්එස්සී පිටියේ පැවති ටෙස්ට් තරගයේ ක්‍රීඩා කළ සුපිරි පිතිකරු කුමාර් සංගක්කාර සිය දැවී යාමෙන් අනතුරුව තරගය නැරඹීමට පැමිණ සිටි ශ්‍රී ලංකා ක්‍රිකට් ලෝලීන් වෙත විශේෂ ආචාරයක් දැක්වීමත් සමග සංගක්කාරත් ටෙස්ට් ක්‍රිකට් ක්‍රීඩාවෙන් සමු ගන්නා බවට මතයක් ක්‍රීඩා ලෝලීන් අතර පැතිර ගියේය.

එම සැකය ක්‍රිකට් ක්‍රීඩාවට ආදරය කරන්නන් අතර පමණක් නොව මාධ්‍යවේදීන් අතරද කතා බහට ලක් වීම හේතුවෙන් තරගයෙන් පසු පැවති මාධ්‍ය හමුවේදී එහි සත්‍ය අසත්‍යතාව පිළිබඳ මාධ්‍යවේදීහු සංගක්කාරගෙන් විමසා සිටියහ.

ක්‍රීඩා ලෝලීන්ගේ සැකය දුරු කරමින් කුමාර් සංගක්කාර කියා සිටියේ තමා සිදු කළ ආචාරයේ කිසිදු විශේෂත්වයක් නැති බවයි.

තම මිතුරු මහේල සමඟ ක්‍රීඩා කරන අවසන් ටෙස්ට් ඉනිම සඳහා පිටියේ රැඳී සිටියදී ඇති වූ හැඟීම සම්බන්ධයෙන්ද මාධ්‍යවේදීහු සංගක්කාරගෙන් විමසා සිටියහ.

මහේලගේ තැන

මහේල ජයවර්ධන ටෙස්ට් ක්‍රීඩාවෙන් සමු ගැනීමත් සමඟම ක්‍රිකට් ක්‍රීඩාව සම්බන්ධයෙන් උනන්දුවක් දක්වන සියලු දෙනාගේ කතා බහට ලක් වී ඇත්තේ ශ්‍රී ලංකා කණ්ඩායමේ පිතිකරු ලැයිස්තුවේ ඇති වන පුරප්පාඩුව පිළිබඳවයි.

ඒ අනුව කණ්ඩායම තුළ මහේලගේ හිඩැස පිරවිය හැකි වේද යන්න පිළිබඳ ඇතමුන් සැක පහළ කරයි.

ඒ සම්බන්ධයෙන් ශ්‍රී ලංකා සුපිරි ක්‍රීඩක කුමාර් සංගක්කාර මාධ්‍යයට අදහස් දක්වමින් පැවසුවේ ටෙස්ට් කණ්ඩායමට ඇතුළු වන නවක ක්‍රීඩකයාට මහේල ජයවර්ධන වැනි විශිෂ්ට ක්‍රීඩකයකු වන්නට අවශ්‍ය අත්දැකීම් ලබා ගැනීමට කාලය ලබා දිය යුතු බවයි.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.