ජයග්‍රහණ නොලැබීමේ වගකීම ‘ජාතික සංගම්’ දැරිය යුතුයි

අවසාන යාවත්කාලීන කිරීම :  2014 අගෝස්තු 3 ඉරිදා - 13:21 GMT

ශ්‍රව්‍ය දෘශ්‍ය වාදනය

ජාත්‍යන්තර ජයග්‍රහණ ලබා ගැනීමට නොහැකි වීමේ වගකීම ජාතික සංගම් විසින් දැරිය යුතු බව ශ්‍රී ලංකා ජාතික ඔලිම්පික් කමිටුවේ සභාපති පවසයි.

නරඹන්න​mp4

මෙය වාදනය කිරීම සඳහා අලුත්ම Flash Player බාගතකලයුතු අතර Java Script අනිවාර්යයෙන්ම ක්‍රියාත්මක කළයුතුය

Windows player යොදාගෙන වාදනය කරන්න

ජයග්‍රහණ නොලැබීමේ වගකීම ‘ජාතික සංගම්’ දැරිය යුතුයි

00:05:56

ශ්‍රී ලාංකීය ක්‍රීඩකයන්ගෙන් බලාපොරොත්තු වන මට්ටමේ ජාත්‍යන්තර තරඟ ජයග්‍රහණ ලබා ගැනීමට නොහැකි වීමේ වගකීම ජාතික සංගම් විසින් දැරිය යුතු බව ශ්‍රී ලංකා ජාතික ඔලිම්පික් කමිටුවේ සභාපති හේමසිරි ෆර්නැන්ඩු පවසයි.

ශ්‍රී ලංකා ක්‍රීඩා සංවර්ධන දෙපාර්තමේන්තුව මුල් වී නිවැරදි තීරණ ගෙන ක්‍රීඩා ක්ෂේත්‍රය සැලසුමකට අනුව ඉදිරියට ගෙන යා යුතු බවත් සභාපතිවරයා අවධාරණය කරයි.

ග්ලාස්ගෝ පොදු රාජ්‍ය මණ්ඩලීය ක්‍රීඩා උළෙලේ දී ශ්‍රී ලංකා කණ්ඩායම දැක්වූ දක්ෂතා පිළිබඳ සෑහීමකට පත් විය නොහැකි බව පවසමින් සභාපතිවරයා බීබීසී සංදේශයට මේ බව කියා සිටියේය.

රටට ගෞරවයක් ගෙනෙන සේ තම තමන්ට අයත් ක්‍රීඩාව දියුණු මට්ටමකට ගෙන ඒමේ වගකීම ශ්‍රී ලංකා ඔලිම්පික් කමිටුව තුළ සිටින ජාතික සංගම් විසිපහ සතු බවයි ඔලිම්පික් කමිටුවේ සභාපතිවරයා කියා සිටියේ.

ජාත්‍යන්තර තරඟවලට සහභාගී වීමෙන් තම ක්‍රීඩක ක්‍රීඩිකාවන්ට තවදුරටත් අත්දැකීම් ලබා ගැනීම සඳහා අවස්ථාව ලැබෙන බව ජාතික සංගම් පවසන නමුත් පසුගිය කාලය පුරා සිදු වූවා මෙන් රජයේ මුදල් වියදම් කර තව දුරටත් අත්දැකීම් පමණක් ලබා ගැනීම නිවැරදි නොවන බව හේමසිරි ෆර්නැන්ඩු පැවසුවේය.

දෙදහස් දාහත වසරේ ආසියානු යොවුන් ක්‍රීඩා උළෙල, හම්බන්තොට නගරයේ පැවැත්වීමට අවශ්‍ය පහසුකම් හා සැලසුම් පිළිබඳ ආසියානු ඔලිම්පික් කවුන්සිලය සමග සාකච්ඡා කරමින් සිටින බවත් ශ්‍රී ලංකා ජාතික ඔලිම්පික් කමිටුවේ සභාපති හේමසිරි ෆර්නැන්ඩු වැඩි දුරටත් බීබීසීයට කියා සිටියේය.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.