ආගමික සහජීවනයේ 'කල්පිටි වාදය'

අවසාන යාවත්කාලීන කිරීම :  2014 ජූලි 14 සඳුදා - 18:22 GMT

ශ්‍රව්‍ය දෘශ්‍ය වාදනය

පූජ්‍ය බැදීවැව දියසේන හිමියන් සංවාදයේදී ප්‍රකාශ කළේ 'එක් පුද්ගලයෙකුගේ, දෙදෙනෙකුගේ ක්‍රියා සමස්ත සමාජයේම විනාශයට බල පා'ඇති බවයි.

නරඹන්න​mp4

මෙය වාදනය කිරීම සඳහා අලුත්ම Flash Player බාගතකලයුතු අතර Java Script අනිවාර්යයෙන්ම ක්‍රියාත්මක කළයුතුය

Windows player යොදාගෙන වාදනය කරන්න

ආගමික සහජීවනයේ 'කල්පිටි වාදය'

00:04:18

ආගමික සහජීවනය, ජාතීන් අතර සහජීවනය වර්ධනය කිරීමේ අරමුණින් ඇතිවූ සංවාදයක් කල්පිටියේදී පැවැත්වුණි. එම සංවාදය 'කල්පිටි වාදය' ලෙසින් නම් කර තිබු අතර, එහි විශේෂ අවධානය යොමු වුණේ පසුගියදා අලුත්ගමදී ඇති වූ සිද්ධීන් සමග ඇති වූ විනාශය හේතුවෙන් පළුදු වූ සිත් නැවත සුවපත් කිරීම ගැනයි .

කල්පිටිය කන්දකුලිය ශ්‍රී සමුද්‍රාසන්න විහාරස්ථානාධිපති පූජ්‍ය බැදීවැව දියසේන හිමියන් එම සංවාදයේදී ප්‍රකාශ කළේ 'එක් පුද්ගලයෙකුගේ දෙදෙනෙකුගේ ක්‍රියා සමස්ත සමාජයේම විනාශයට බලපා'ඇති බවයි.

දකුණේ මුස්ලිම් ආගමිකයන්ට සිදු වූ හිංසාවන් පිළිබඳව සියලු මුස්ලිම් ජනතාවගෙන් සමාව ඉල්ලා සිටින බවත් පූජ්‍ය දියසේන හිමියෝ ප්‍රකාශ කළහ .

"පාප්තුමා සිංහල බෞද්ධයන්ගෙන් සමාව ඉල්ලා සිටිය යුතු බවට ප්‍රචාරයක් ගියා . මම කියන්නේ පාප් තුමා නෙමෙයි, සමාව ඉල්ලිය යුත්තේ, දකුණේ පසුගියදා ඇතිවූ සිද්ධීන් වලට සම්බන්ධ වූ අයයි"පුජ්‍ය දියසේන හිමියයෝකියා සිටියහ.

බෞද්ධ මුස්ලිම් එකමුතු චාරිත්‍ර

'කල්පිටි වාදයේ' දී අදහස් දැක්වූ කල්පිටිය රාහුමනියා අරාබි විදුහලේ මොහොමඩ් රිෆ්කාන් මව්ලවිතුමා ප්‍රකාශ කළේ 'ආගමික සහජීවනය රටක සංවර්දනයට තදින්ම බලපාන' බවයි.

පෝය දිනයේ සිල් සමාදන් වූ බැතිමතුන් සමග උපවාසයේ නිරතව සිටි මුස්ලිම් ආගමික බැතිමතුන් එකට එක් ව උපවාසය අත් හැරීමේ චාරිත්‍ර වල නිරත වූ අතර මෙය දෙපාර්ශවයටම අලුත් අත්දැකීමක් විය.

නාත්තන්ඩිය නගරයේද සර්ව ආගමික වැඩසටහනක් පැවැත්වුන අතර එහිදී නාත්තන්ඩිය මීසම් පාලක උපාලි චර්චිල් පියතුමා කියා සිටියේද ආගමික සහජීවනයේ වැදගත් කමයි .

සියලු ආගමික නායකයන් එක්ව මරණයට නියමව සිටි ගවයෙකු නිදහස්කර හැරීම එහි විශේෂ අංගයක් වුණි.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.