‘ශ්‍රී ලාංකීය ජාතිය ගොඩ නගමු’- ජනාධිපති මහින්ද රාජපක්‍ෂ

අවසාන යාවත්කාලීන කිරීම :  2014 ජුනි 21 සෙනසුරාදා - 17:19 GMT

ශ්‍රව්‍ය දෘශ්‍ය වාදනය

රටේ සියලු දෙනාගේම අරමුණ විය යුත්තේ නූතන ශ්‍රී ලාංකීය ජාතිය ගොඩ නැගීම වන බව ජනාධිපති මහින්ද රාජපක්ෂ අවධාරනය කරයි.

සවන් දෙන්න​mp3

මෙය වාදනය කිරීම සඳහා අලුත්ම Flash Player බාගතකලයුතු අතර Java Script අනිවාර්යයෙන්ම ක්‍රියාත්මක කළයුතුය

Windows player යොදාගෙන වාදනය කරන්න

‘ශ්‍රී ලාංකීය ජාතිය ගොඩ නගමු’- ජනාධිපති මහින්ද රාජපක්‍ෂ

00:01:59

කොටි සංවිධානය විසින් ඉස්මතු කරන ලද වර්ගවාදය සහ බෙදුම්වාදය පරාජය කරනු ලැබීමෙන් අනතුරුව ක්‍රමයෙන් ස්ථාවර වූ ශ්‍රී ලංකාවේ සාමය සහ සංහිඳියාව නැවත අනතුරට ලක් කිරීමේ උත්සාහයක් මතුව තිබීම පැහැදිළි යයි ජනාධිපති මහින්ද රාජපක්ෂ කියා සිටියි.

එමෙන්ම ශ්‍රී ලංකාව අස්ථාවර කිරීමට මාන බැලූ ජාත්‍යන්තර බලවේග කීපයක් එම තත්වය ව්‍යාකුල කිරීමේ උත්සාහයක බලවත්ව යෙදී සිටින බව අමතක කළ යුතු නැතැයි ද ජනාධිපතිවරයා පවසයි.

“එම බැරෑරුම් තත්වය තේරුම් ගනිමින් සියලු ජාතීන් අතර මිත්‍රත්වය සහ සහජීවනය සඳහා කටයුතු කරන මෙන් මම සියලු සහෝදර රටවැසියාගෙන් ගෞරවයෙන් යුතුව ඉල්ලා සිටිමි” යි ජනාධිපති මහින්ද රාජපක්ෂ අද සෙනසුරාදා ජාතිය අමතා කළ ප්‍රකාශනයෙන් කියැවුණි.

ප්‍රචණ්ඩත්වය වනචාරී ලක්ෂණයක්

ජනාධිපතිවරයා වැඩිදුරටත් අදහස් දක්වමින් කියා සිටියේ, නීතිය අතට ගැනීමට කිසිවකුට ඉඩ නොදෙන අතරම නීතිය උල්ලංඝනය කරන ඕනෑම අයකුට එරෙහිව නීතිය ක්‍රියාත්මක කරන මෙන් තමා පොලිසියට සහ ආරක්ෂක අංශවලට නියෝග කර ඇති බවයි.

රටේ සියලු දෙනාගේම අරමුණ විය යුත්තේ නූතන ශ්‍රී ලාංකීය ජාතිය ගොඩ නැගීම වන බවත් ජනාධිපතිවරයා අවධාරනය කරයි.

ජනාධිපති මහින්ද රාජපක්ෂ සිය දේශනයේදී ප්‍රචණ්ඩත්වය විග්‍රහ කරන්නේ වනචාරී යුගයේ සංකේතයක් හැටියටයි.

“ජාතියක ශ්‍රේෂ්ටත්වය ගොඩනගා ගත හැක්කේ අනිකාට පහර දීම මත නොව අනිකාට ගරු කිරීම මත පමණක්” බවත් මහින්ද රාජපක්ෂ ජනාධිපතිවරයා පෙන්වා දෙයි.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.