ආරක්ෂාව පතා හය දාහක් අලුත්ගම පල්ලිවල

අවසාන යාවත්කාලීන කිරීම :  2014 ජුනි 17 අඟහරුවාදා - 19:05 GMT

ශ්‍රව්‍ය දෘශ්‍ය වාදනය

අලුත්ගම හා ඒ අවට ප්‍රදේශවල සිදු වූ ප්‍රහාරවලින් පසු හය දහසකට ආසන්න මුස්ලිම් වැසියන් එම ප්‍රදේශයේ පල්ලිවල ලැගුම් ගෙන සිටියි.

සවන් දෙන්න​mp3

මෙය වාදනය කිරීම සඳහා අලුත්ම Flash Player බාගතකලයුතු අතර Java Script අනිවාර්යයෙන්ම ක්‍රියාත්මක කළයුතුය

Windows player යොදාගෙන වාදනය කරන්න

ආරක්ෂාව පතා හය දාහක් අලුත්ගම පල්ලිවල

00:04:47

අලුත්ගම හා ඒ අවට ප්‍රදේශවල සිදු වූ ප්‍රහාරයෙන් පසු හය දහසකට ආසන්න මුස්ලිම් වැසියන් එම ප්‍රදේශයේ පල්ලිවල හා පාසල්වල ලැගුම් ගෙන සිටින බව ප්‍රාදේශීය නියෝජිතයෝ පවසති.

බේරුවලින් පිටත ප්‍රදේශවල ජනතාව විසින් මොවුන්ට ආහාර සහ අනෙකුත් අවශ්‍ය ද්‍රව්‍ය සපයනු ලබන බවයි බේරුවල ප්‍රාදේශීය සභා මන්ත්‍රී ඒ ආර් එම් බදුර්දීන් සංදේශයට පැවසුවේ.

මුස්ලිම් වැසියන් ලැගුම් ගෙන සිටින පල්ලිවලට පොලිස් ආරක්ෂාව ලබා දී ඇති බව ද ඔහු කියා සිටියි.

මේ අතර අලුත්ගම හා බේරුවල ප්‍රදේශයේ සාමකාමී වාතාවරණයක් පවතින බවයි පොලිසිය පවසන්නේ.

හතළිස් එකක් අත්අඩංගුවට

අලුත්ගම ප්‍රචණ්ඩ ක්‍රියා සම්බන්ධව සැකකරුවන් හතළිස් එක් දෙනෙක් අත්අඩංගුවට ගෙන තිබෙන බව පොලිස් ප්‍රකාශක ජ්‍යෙෂ්ඨ පොලිස් අධිකාරි අජිත් රෝහණ සංදේශයට ප්‍රකාශ කළේය.

පුද්ගලයෙකු මරණයට පත් වූ වැලිපැන්න සිද්ධිය සම්බන්ධව සැකකරුවෙකු හඳුනා ගෙන ඇති බවත් පොලිස් ප්‍රකාශකවරයා වැඩි දුරටත් පවසා සිටියි.

‘අඛණ්ඩව මේ කලහකාරී, ප්‍රචණ්ඩකාරී ක්‍රියා මෙහෙයවපු පුද්ගලයෝ හා ඒ වගේ ම මේවාට දායක වෙච්ච අය අත්අඩංගුවට ගැනීමට මෙහෙයුම් දියක් කරලා තියෙනවා’ යයි පොලිස් ප්‍රකාශක අජිත් රෝහණ පැවසුවේය.

මේ අතර කෑගල්ල දිස්ති‍්‍රක්කයේ මාවනැල්ල නගරයේ බොදු බල සේනාව විසින් අඟහරුවාදා සංවිධානය කර තිබුණු රැස්වීමක් ද පොලිසිය විසින් තහනම් කර තිබේ.

අලුත්ගම හා අනෙකුත් ප්‍රදේශවල ප්‍රචණ්ඩ ක්‍රියා සම්බන්ධව බොදු බල සේනා සංවිධානයට නැගෙන චෝදනා සම්බන්ධයෙන් එම සංවිධානයේ ලේකම් ගලගොඩ අත්තේ ඥානසාර හිමියන්ගේ අදහස් දැන ගැනීමට සංදේශය කළ උත්සාහය සාර්ථක වුයේ නැහැ.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.