'අලුගෝසුවා' නම වෙනස් කරයි

අවසාන යාවත්කාලීන කිරීම :  2014 ජුනි 13 සිකුරාදා - 19:24 GMT

ශ්‍රව්‍ය දෘශ්‍ය වාදනය

බන්ධනාගාර දෙපාර්තමේන්තුවේ අලුගෝසු තනතුරේ නාමය වෙනස් කිරීමට එම දෙපාර්තමේන්තුව තීරණය කර තිබේ.

සවන් දෙන්න​mp3

මෙය වාදනය කිරීම සඳහා අලුත්ම Flash Player බාගතකලයුතු අතර Java Script අනිවාර්යයෙන්ම ක්‍රියාත්මක කළයුතුය

Windows player යොදාගෙන වාදනය කරන්න

'අලුගෝසුවා' නම වෙනස් කරයි

00:02:40

බන්ධනාගාර දෙපාර්තමේන්තුවේ අලුගෝසු තනතුරේ නාමය වෙනස් කිරීමට එම දෙපාර්තමේන්තුව තීරණය කර තිබේ.

මේ වසර මුලදී ඉරානයේ ක්‍රියාත්මක කළ මරණ දණ්ඩනයක්

බන්ධනාගාර කොමසාරිස් ජනරාල් චන්ද්‍රරත්න පල්ලේගම සංදේශය වාර්තාකරු කේ එස් උදයකුමාර්ට කියා සිටියේ මජනතාවගෙන් ලබා ගත් නම් 200 ක් පමණ ඇතුළත් ලැයිස්තුවක් විෂය භාර ඇමතිවරයා වෙත යොමු කර ඇති බවයි.

‘මේක අධිරාජ්‍යවාදීන්ගේ පාලන සමයේ අපට ලැබුණු තනතුරක්. අලුගෝසුවා එසේත් නැතිනම් වධකයා කියන නම අදට නොගැලපෙන නිසයි අපි මේ වෙනස කරන්න තීරණය කළේ.’ බන්ධනාගාර කොමසාරිස් ජනරාල්වරයා බීබීසීයට පැවසීය.

‘පය බරවායට...'

හදිසියේම අලුගෝසු තනතුර පිළිබඳව ඇති වී තිබෙන උනන්දුව ගැන බීබීසීයේ තිසර රතුවිතානට අදහස් දැක්වූ ‘නිදහසේ වේදිකාව’ කැඳවුම් කරු නීතීඥ සුදර්ශන ගුණවර්ධන කියා සිටියේ ‘පය බරවායට පිටිකර බෙහෙත් බැඳීමේ න්‍යාය’ අනුව බලධාරීන් කටයුතු කරන බවයි.

අලුගෝසු තනතුර සඳහා යොදන නාමය පිළිබඳව මෙතෙක් අවසන් තීරණයක් ගෙන නොමැති බවයි විෂය භාර ඇමති චන්ද්‍රසිරි ගජධීර කියා සිටියේ.

සම්පුර්ණ සාකච්ඡාවේ හඬ පටයට සවන් දෙන්න.

කෙසේ වෙතත් බන්ධනාගාරයේ අලුගෝසු තනතුර සඳහා කලක පටන් තිබෙන පුරප්පාඩුව පිරවීමට තවමත් බලධාරීහු අසමත් වී සිටිති.

මීට කලින් පත් කළ අය තනතුර හැර යාම නිසා මේ ප්‍රශ්නයට විකල්ප විසඳුම් සෙවීම කෙරෙහි ඔවුන්ගේ අවධානය යොමු වී තිබෙන බවයි වාර්තා වන්නේ.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.