දුම්වැටි අසුරනවල රූපමය අවවාදයට සීමා

අවසාන යාවත්කාලීන කිරීම :  2014 මැයි 12 සඳුදා - 10:06 GMT

ශ්‍රව්‍ය දෘශ්‍ය වාදනය

දුම්වැටි අසුරනවල සියයට අසුවක ප්‍රමාණයක රූපමය අවවාදයක් පල කිරීමට රජය ගත් තීරණය අධිකරණය විසින් ඉවත දමනු ලැබ තිබේ.

නරඹන්න​mp4

මෙය වාදනය කිරීම සඳහා අලුත්ම Flash Player බාගතකලයුතු අතර Java Script අනිවාර්යයෙන්ම ක්‍රියාත්මක කළයුතුය

Windows player යොදාගෙන වාදනය කරන්න

දුම් පානය නිසා සිදු වන අනතුරු පිළිබඳව දුම්වැටි අසුරනවල පිටතින් සියයට අසුවක ප්‍රමාණයක රූපමය අවවාදයක් පල කිරීමට රජය විසින් ගනු ලැබූ තීන්දුවක් අධිකරණය විසින් ප්‍රතික්ෂේප කරනු ලැබුණි.

අභියාචනාධිකරණයේ තීන්දුව වුනේ දුම්වැටි අසුරනවල සියයට පනහත් දුම්වැටි අසුරනවල සියයට පළ කිරීමට අවසර දෙන බවයි.

දුම් පානය අවම කිරීමට රජය විසින් ගනු ලැබ තිබුන තීරණයට එරෙහිව ලංකා දුම් කොළ සමාගම ඉදිරිපත් කළ පෙත්සමක් විභාග කිරීමෙන් අනතුරුවයි, අධිකරණය එම තීන්දුව ප්‍රකාශයට පත් කළේ.

අභියාචනාධිකරණ තීන්දුව ප්‍රකාශයට පත් කිරීමෙන් අනතුරුව සෞඛ්‍ය නියෝජ්‍ය ඇමති ලලිත් දිසානායක මාධ්‍යවේදීන්ට අදහස් දක්වමින් ප්‍රකාශ කළේ දුම්වැටි සහ මද්‍යසාර මැඩලීමේ රජයේ වැඩ පිළිවෙළ දියත් කිරීම සඳහා අධිකරණය ලබා දුන් අවස්ථාව ප්‍රමාණවත් බවයි.

"දුම් පානය නිසා වාර්ෂිකව විශාල පිරිසක් පිළිකා රෝගයෙන් මිය යනවා. මේ සම්බන්ධයෙන් මහජනතාව දැනුවත් කිරීමට අධිකරණය ලබා දුන් රූපමය අවවාද ඉඩ ප්‍රමාණය පිළිබඳව සැහීමකට පත් වෙන්න පුළුවන්.’’ යනුවෙන් සෞඛ්‍ය නියෝජ්‍ය ඇමති ලලිත් දිසානායක වැඩි දුරටත් පැවසුවේය.

තීන්දුවේ ගැටළු

අධිකරණය සිය තීන්දුවෙන් ප්‍රකාශ කර සිටියේ දුම්වැටි කර්මාන්තය ශ්‍රී ලංකාවේ පිළිගත් කර්මාන්තයක් බවයි.

දුම්වැටි අසුරනවල සියයට අසූවක ප්‍රමාණයක රූපමය අවවාදය පළ කිරීමට අවසර දීම තුලින් දුම් කොළ කර්මාන්තයට අගතියක් සිදු වන බවයි අධිකරණ තීන්දුවේ දැක්වෙන්නේ.

එහෙත් එම තීන්දුව ගැටළු සහගත බව ශ්‍රී ලංකා වෛද්‍ය සංගමයේ දුම්වැටි හා මද්‍යසාර පිළිබඳ කමිටු සාමාජික වෛද්‍ය මනෝජ් ප්‍රනාන්දු පවසයි.

"රජය මෙන්ම පාර්ලිමේන්තුව පවා සියයට අසූවක ඉඩ ප්‍රමාණයක රූපමය අවවාදයක් ලබා දිය යුතු බවට තීන්දු කර තිබිය දී ඉහත කී තීන්දුව ගැට‍ළු සහගතයි. මේ පිළිබඳව අධ්‍යයනය කිරීමෙන් පසුව සුදුසු ක්‍රියා මාර්ගයක් ගන්න අපි බලාපොරොත්තු වෙනවා.’’ යයි අධිකරණ තීන්දුව සම්බන්ධයෙන් අදහස් දක්වමින් වෛද්‍ය මනෝජ් ප්‍රනාන්දු කියා සිටියේය.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.