පරීක්ෂණය සාර්ථක වෙන්නේ නෑ - දයාන්

අවසාන යාවත්කාලීන කිරීම :  2014 මාර්තු 28 සිකුරාදා - 18:17 GMT

ශ්‍රව්‍ය දෘශ්‍ය වාදනය

එක්සත් ජාතීන්ගේ මානව හිමිකම් මණ්ඩලය විසින් ශ්‍රී ලංකාව සම්බන්ධ යෝජනාව සම්මත කරනු ලැබුවත් එය ක්‍රියාවට නැගීම සාර්ථක ක්‍රියාවලියක් නොවන බව අචාර්ය දයාන් ජයතිලක පවසයි.

සවන් දෙන්න​mp3

මෙය වාදනය කිරීම සඳහා අලුත්ම Flash Player බාගතකලයුතු අතර Java Script අනිවාර්යයෙන්ම ක්‍රියාත්මක කළයුතුය

Windows player යොදාගෙන වාදනය කරන්න

එක්සත් ජාතීන්ගේ මානව හිමිකම් මණ්ඩලය විසින් ශ්‍රී ලංකාව සම්බන්ධ යෝජනාව බ්‍රහස්පතින්දා සම්මත කරනු ලැබුවත් එය ක්‍රියාවට නැගීම සාර්ථක ක්‍රියාවලියක් නොවන බව දේශපාලන විශ්ලේෂකයෝ පෙන්වා දෙති.

'යෝජනාව ගෙනාපු උදවියටවත්, ඒකට විරුද්ධ වෙච්ච ලංකාවටවත් සුගතියක් ඇති වෙන්නේ නෑ'

යෝජනාවේ ප්‍රකාර පරීක්ෂණය පැවැත්වීම මහ කොමසාරිස්වරියට ඉතා දුෂ්කර වනු ඇති බවයි, දේශපාලන විශ්ලේෂක ආචාර්ය දයාන් ජයතිලක බීබීසී සංදේශයට කියා සිටියේ.

විශේෂයෙන්ම දකුණු ආසියානු කලාපයේ සහයෝගයෙන් තොරව යෝජනාව සම්මත වීම මේ තත්වයට හේතුව බව පවසන එක්සත් ජාතීන්ගේ හිටපු ශ්‍රී ලංකා නිත්‍ය නියෝජිත ආචාර්ය දයාන් ජයතිලක, මේ අර්බුදයේදී ශ්‍රී ලංකාවට එරෙහිව ආර්ථික සම්බාධක පැනවීමේ අවදානමක් පවතින බවද කියා සිටියේය.

"යෝජනාව ගෙනාපු උදවියටවත්, ඒකට විරුද්ධ වෙච්ච ලංකාවටවත් සුගතියක් ඇති වෙන්නේ නෑ. එකිනෙකා අමාරුවේ දාන සහ අනෙකා අමාරුවේ වැටෙන තත්වයක් තමයි නිර්මාණය වෙලා තියෙන්නේ," යනුවෙන්ද ඔහු සඳහන් කළේය.

පරීක්ෂණයට සහාය නොදෙන බවට ආණ්ඩුව කරන ප්‍රකාශය පිළිබඳව විමසූ අවස්ථාවේ, කොළඹ විශ්ව විද්‍යාලයේ දේශපාලන විද්‍යාව පිළිබඳ ජ්‍යෙෂ්ඨ කථිකාචාර්යවරයා කියා සිටියේ එවැනි හැකියාවක් පැහැදිලිවම ආණ්ඩුවට තිබෙන නමුත් එම ස්ථාවරය වෙනුවෙන් වන්දියක් ගෙවීමටද සිදු වනු ඇති බවයි.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.