ජිනීවා යෝජනාවට ඩයස්පෝරාවේ ප්‍රසාදය

24 මාර්තු 2014 අවසාන වරට යාවත්කාලීන කළේ 19:26 GMT

මහ කොමසාරිස්වරියගේ ප්‍රධානත්වයෙන් පැවැත්වෙන පරීක්ෂණයක් යනු ජාත්‍යන්තර පරීක්ෂණයක් බව විදේශගත දෙමළ ප්‍රජාව අවධාරණය කරයි.

තමන් ඉදිරිපත් කළ ඉල්ලීම් බොහොමයක්ම නව කෙටුම්පතට ඇතුලත් බැවින් එයට සිය ප්‍රසාදය හිමි වන බවයි, ගෝලීය දෙමළ සංසදයේ ප්‍රකාශක සුරේන් සුරෙන්දිරන් සංදේශය කළ විමසීමකදී කියා සිටියේ.

'අපි මේ යෝජනාවට ගොඩක් කැමතියි'

උගත් පාඩම් සහ සංහිඳියා කොමිසමේ විමර්ශනයට ලක්වූ 2002 සහ 2009 කාලය ඇතුලත සිදුවූ බව පැවසෙන මානව හිමිකම් උල්ලංඝණයන් සම්බන්ධයෙන් පරීක්ෂණයක් පැවැත්විය යුතු බවට සංශෝධිත යෝජනාවේ අඩංගු වීම පිළිබඳව සුරේන් සුරෙන්දිරන් ප්‍රසාදය පළ කළේය.

1970 දශකයේ සිට, විශේෂයෙන්ම යාපනය පුස්තකාලය ගිණි තැබීම සහ 1983 ප්‍රහාර ඇතුළු බොහෝ සිදුවීම් පරීක්ෂණයට භාජනය වූයේ නම් තමන් වඩාත් කැමති වුවත්, 2002 සිට සිදුවූ උල්ලංඝණයන් පරීක්ෂා කිරීමද වැදගත් බවයි, ඔහු සංදේශයට කියා සිටියේ.