තවිෂ පීරිස්ගේ ඝාතකයන්ට 'දඬුවම් කරන්න'

අවසාන යාවත්කාලීන කිරීම :  2013 දෙසැම්බර් 29 ඉරිදා - 11:35 GMT

ශ්‍රව්‍ය දෘශ්‍ය වාදනය

තවමත් හැඬූ කඳුලින් දවස ගෙවන ෂෙෆීල්ඩ් නගරයේදී ඝාතනය කෙරුණු තවිෂ ලකිඳු පීරිස් තරුණයා ගේ පවුලේ ඥාතීහු, ඝාතකයන් සොයා දඬුවම් කරන මෙන් බ්‍රිතාන්‍ය බලධාරීන්ගෙන් ඉල්ලති. (වීඩියෝව)

නරඹන්න​mp4

මෙය වාදනය කිරීම සඳහා අලුත්ම Flash Player බාගතකලයුතු අතර Java Script අනිවාර්යයෙන්ම ක්‍රියාත්මක කළයුතුය

Windows player යොදාගෙන වාදනය කරන්න

බ්‍රිතාන්‍යයේ ෂෙෆීල්ඩ් නගරයේදී ඝාතනය කෙරුණු විසි පස් හැවිරිදි තවිෂ ලකිඳු පීරිස් තරුණයා ගේ පවුලේ ඥාතීන් තවමත් දවස ගත කරන්නේ හැඬූ කඳුලින්.

ෂෙෆීල්ඩ් හලම් (Hallam) සරසවියේ සිය උපාධිය නිම කළ විසිපස් හැවිරිදි තවිෂ ලකිඳු පීරිස්, තොරතුරු තාක්‍ෂණික අංශයේ රැකියාවක් භාර ගැනීමට නියමිතව සිටි අතරවාරයේ පිට්සා සමාගමක තාවකාලික රැකියාවක නිරතව සිටියේය.

පසුගිය ඔක්තෝබර් 27 වැනිදා පිහියෙන් ඇන ඔහු මරා දමා තිබුණේ ඔහු නිවසකට පිට්සා රැගෙන යමින් සිටියදීයි.

මුළු ලොවම කඩා වැටුණු බවක් සේ දැනෙන බවයි තවිෂ ගේ මව වජිරා පීරිස් හැඬූ කඳුලින් යුතුව, බීබීසීයේ කේට් බ්‍රැඩ්බෘක් මාධ්‍යවේදිනිය සමඟ කියා සිටියේ.

මුළු රැයම අවදියෙන්

බීබීසී ලුක් නෝත් වැඩසටහන වෙනුවෙන්, තවිෂගේ පවුලේ ඥාතීන් හමුවීම පිණිස ඇය පසුගියදා ශ්‍රී ලංකාවේ සංචාරයක යෙදුනාය.

"පුතා සිහිපත් වන සෑම අවස්ථාවකදීම දැනෙන්නේ ලොකු වේදනාවක්," බවද අම්මා පවසන්නීය.

තවිෂ ගේ පියා, සරත් පීරිස් පවසන්නේ රාත්‍රියේ පුතා මතකයට ඒම හේතුවෙන් තමා මුළු රැයම අවදියෙන් සිටින බවයි.

ඔහුගේ අනාගත අපේක්ෂාවන් මෙනෙහි කරන මව පවසන්නේ එංගලන්තයට ගොස් අධ්‍යාපනය ලැබීම සිය පුතුගේ අධිෂ්ඨානයක් වූ බවයි.

දෙමව්පියන්ට අවශ්‍ය වූයේ සිය සොහොයුරාට උසස් අධ්‍යාපනයක් ලබා දීම බව සදහන් කළ තවිෂ ගේ සොහොයුරු ප්‍රමෝද් පීරිස්, සිය සොහොයුරාගේ ඝාතනය සම්බන්ධයෙන් වගකිවයුත්තන්ට දඬුවම් පැමිණ විය යුතු යයි ඉල්ලා සිටියි.

දැනට පැවැත්වෙන පරීක්ෂණ සම්බන්ධයෙන් නිරන්තරයෙන් තමන් දැනුවත් කෙරෙන බව පවසන සොහොයුරු ප්‍රමෝද් සහ පියා සරත් පීරිස්, බ්‍රිතාන්‍ය බලධාරීන්ගෙන් ලැබුණු සහයෝගයට ස්තුතිය පල කළහ.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.