බෝම්බයක් අහුලා ගත් පස් හැවිරිදි දරුවකු මරුට

අවසාන යාවත්කාලීන කිරීම :  2013 දෙසැම්බර් 27 සිකුරාදා - 18:10 GMT

ත්‍රිකුණාමලයේ කුච්චවේලිහිදී සිකුරාදා සවස සිදුවූ පිපිරීමකින් පස් හැවිරිදි දරුවකු මිය ගොස් ඇති අතර තවත් ළමුන් දෙදෙනකු තුවාල ලද බවක් වාර්තා වෙයි.

මෙම ළමුන් තිදෙනා විසින් තම නිවසට නුදුරින් තිබී පුපුරන ද්‍රව්‍යයක් සොයා ගනු ලැබීමෙන් අනතුරුව,ඔවුන් එය පරීක්ෂා කර බැලීමට යාමේදී අනතුර සිදු වී ඇති බවයි වාර්තා වන්නේ.

පිපිරීම නිසා බරපතල ලෙස තුවාල ලබා සිටින තුන් හැවිරිදි සහ දස හැවිරිදි වූ ළමුන් දෙදෙනකු ත්‍රිකුණාමලය රෝහලේ දැඩි සත්කාර ඒකකයේ ප්‍රතිකාර ලබන බව රෝහල් ආරංචි මාර්ග සඳහන් කරයි.

පස් හැවිරිදි ළමයා මිය ගොස් ඇත්තේ රෝහලට ඇතුළු කරනු ලැබීමෙන් පසුවයි.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.