අලුත් හැඳුනුම්පත 'මුස්ලිම් ජනතාව පීඩාවට පත් කිරීමක්'

අවසාන යාවත්කාලීන කිරීම :  2013 දෙසැම්බර් 20 සිකුරාදා - 14:28 GMT

ශ්‍රව්‍ය දෘශ්‍ය වාදනය

අලුතෙන් ඉලෙක්ට්‍රොනික හැඳුනුම්පතක් හඳුන්වාදීමේ ක්‍රියාදාමය ශ්‍රී ලංකාවේ මුස්ලිම් ජනතාව පීඩාවට පත් කිරීමේ ප්‍රයත්නයක් බවට ප්‍රජා නායකයන් චෝදනා කරන නමුත්, බලධාරීහු එය ප්‍රතික්ෂේප කරති.

සවන් දෙන්න​mp3

මෙය වාදනය කිරීම සඳහා අලුත්ම Flash Player බාගතකලයුතු අතර Java Script අනිවාර්යයෙන්ම ක්‍රියාත්මක කළයුතුය

Windows player යොදාගෙන වාදනය කරන්න

දැනට අතින් ලියන ජාතික හැඳුනුම්පත වෙනුවට, 2016 වන විට ඉලෙක්ට්‍රොනික හැඳුනුම්පතක් හඳුන්වා දීමට පුද්ගලයන් ලියාපදිංචි කිරීමේ දෙපාර්තමේන්තුව තීරණය කොට තිබේ.

නව හැඳුනුම්පත හඳුන්වා දීමේදී සිය අනන්‍යතාවයට සීමා පැනවේ දැයි මුස්ලිම් ජනතාවගේ අවධානය

මෙය ජාත්‍යන්තර මට්ටමින් නිර්මාණය කිරීමට සිය දෙපාර්තමේන්තුව අදහස් කොට ඇති බව පවසන පුද්ගලයන් ලියාපදිංචි කිරීමේ කොමසාරිස් ජනරාල් ආර්එම්එස් සරත් කුමාර, ඒ සඳහා නිලධාරීන් පුහුණු කිරීම දැනටමත් ආරම්භ කොට තිබෙන බවද බීබීසී සංදේශයට කියා සිටියේය.

එහෙත් මේ කාර්යයේදී සිය අනන්‍යතාවයට සීමා පැනවේ දැයි මුස්ලිම් ජනතාවගේ අවධානය පළ වී තිබේ.

ඡායාරූප ගැනීමේදී ස්වකීය ආගමික අනන්‍යතාවය තහවුරු කෙරෙන හිස් ආවරණ සහ හිස් වැසුම් භාවිතයට තහංචි පැන වෙනු ඇත් දැයි ඔවුහු සැක පහල කරති.

කෙසේ නමුත් එම සැකසංකාවලට කිසිදු පදනමක් නොමැති බවයි, පුද්ගලයන් ලියාපදිංචි කිරීමේ කොමසාරිස් ජනරාල් ආර්එම්එස් සරත් කුමාර සංදේශයට කියා සිටියේ.

සිය ක්‍රියාදාමය සම්පූර්ණ ජාත්‍යන්තර ප්‍රමිතියට අනුකූලව සිදු කෙරෙන්නක් බවද කොමසාරිස්වරයා පවසයි.

සංදේශය වෙනුවෙන් එල්මෝ ප්‍රනාන්දු කළ විමසුමක් මේ.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.