සමුළුව වර්ජනය කරන්න - ඕස්ට්‍රේලියාවෙන් ඉල්ලයි

  • 12 නොවැම්බර් 2013
Lee Rhiannon
'පැය තුනකට මගේ නිදහස පැහැර ගත්ත එක ගැන මගේ අවධානය පළ වෙලා තිබුනේ'

ශ්‍රී ලංකාවේ පැවැත්වෙන පොදු රාජ්‍ය මණ්ඩල රාජ්‍ය නායක සමුළුව ඕස්ට්‍රේලියාව වර්ජනය කළ යුතු බව ශ්‍රී ලංකාවේදී රඳවා ගනු ලැබීමෙන් අනතුරුව යලි සියරට පැමිණ සිටින ලී රියනන් සෙනෙට් සභිකාව ප්‍රකාශ කරයි.

ඇය සහ නවසීලන්ත ජාතික ජෑන් ලොගී මන්ත්‍රීවරිය ඉරිදා කොළඹදී ප්‍රවෘත්ති සාකච්ඡාවක් පැවැත්වීමට නියමිතව තිබියදී රඳවා ගත් ශ්‍රී ලංකා ආගමන විගමන නිලධාරීහු පැය තුනකට ආසන්න කාලයක් ඔවුන්ගෙන් ප්‍රශ්ණ කළහ.

ශ්‍රී ලංකා ආණ්ඩුව දිගින් දිගටම රටවැසියන්ගේ මානව හිමිකම් උල්ලංඝනය කරන බවට චෝදනා කරන ලී රියනන් සෙනෙට් සභිකවරිය, කෙසේ නමුත් තමන් ශ්‍රී ලංකාවේදී කිසිදු වරදක් නොකළ බව අවධාරණය කරයි.

"මම හිතන්නේ මට සලකපු විදිය වැරදියි. ඇත්තටම මට බයක් දැනුනේ නැහැ, නමුත් පැය තුනකට මගේ නිදහස පැහැර ගත්ත එක ගැන මගේ අවධානය පළ වෙලා තිබුනේ."

මානව හිමිකම් උල්ලංඝන චෝදනා පිළිබඳව ශ්‍රී ලංකා ආණ්ඩුව සමඟ නිරන්තර සංවාදයක යෙදී සිටින බවයි, සෙනෙට් සභිකවරියගේ චෝදනාවට පරතිචාර දක්වන ඕස්ට්‍රේලියාවේ විදේශ ඇමතිනී ජූලී බිෂොප් කියා සිටියේ.

මේ පුවතට සම්බන්ධ තවත් විස්තර