අල්ලා ගත් අලි - ඇතුන් ලියාපදිංචි කිරීමට විරෝධය

අවසාන යාවත්කාලීන කිරීම :  2013 සැප්තැම්බර් 4 බදාදා - 18:12 GMT

ශ්‍රව්‍ය දෘශ්‍ය වාදනය

අල්ලා ගත් අලි - ඇතුන් ලියාපදිංචි කිරීම වන සත්ත්ව හා වෘක්ෂලතා ආරක්ෂක ආඥා පනත සම්පූර්ණයෙන්ම උල්ලංඝනය කිරීමක් බව පරිසර සංරක්ෂණ භාරය කියා සිටී.

සවන් දෙන්න​mp3

මෙය වාදනය කිරීම සඳහා අලුත්ම Flash Player බාගතකලයුතු අතර Java Script අනිවාර්යයෙන්ම ක්‍රියාත්මක කළයුතුය

Windows player යොදාගෙන වාදනය කරන්න

elephent

නීති විරෝධී ලෙස කැළෙන් අල්ලා ගත් අලි - ඇතුන් ලියාපදිංචි කිරීමට වන ජීවී සම්පත් සංරක්ෂණ අමාත්‍යාංශය කටයුතු කිරීම වන සත්ත්ව හා වෘක්ෂලතා ආරක්ෂක ආඥා පනත සම්පූර්ණයෙන්ම උල්ලංඝනය කිරීමක් බව පරිසර සංරක්ෂණ භාරය කියා සිටී.

නීති විරෝධී ලෙස ළඟ තබා ගෙන සිටින අලි -ඇතුන් රුපියල් ලක්ෂ 10 ක බලපත‍්‍ර ගාස්තුවක් අය කොට ලියාපදිංචි කිරීම සඳහා කටයුතු කරන බව වනජීවී සම්පත් සංරක්ෂණ අමාත්‍ය ගාමිණී විජිත් විජයමුණි සොයිසා ඉකුත්දා ප‍්‍රකාශ කල බවත් නීති විරෝධී ලෙස ළඟ තබාගෙන සිටින අලි - ඇතුන් ලියාපදිංචි කිරීමේ මුවාවෙන් අලි - ඇතුන් වෙළඳාමක් සිදු කිරීමට වනජීවී සංරක්ෂණ දෙපාර්තමේන්තුව කටයුතු කරන බව කටයුතු කරන බව පරිසර සංරක්ෂණ භාරයේ අධ්‍යක්ෂ සජීව චාමිකර සංදේශයට පැවසුවේය.

නීති විරෝධී ලෙස අලි -ඇතුන් ළඟ තබාගෙන වැරදිකරුවන් වන පුද්ගලයින්ට විරුද්ධව අධිකරණ ක‍්‍රියාමාර්ග ගැනීම හා එම සතුන් නිසි පරිදි ස්වාභාවික වාසස්ථානවලට මුදා හැරීම වෙනුවට
අධික මුදලක් අයකර නීත්‍යානුකූල බලපත‍්‍ර ලබාදීමෙන් සිදු වන්නේ මේ නීති විරෝධී ක‍්‍රියා තවදුරටත් සිදුකිරීමට අනුබල ලබාදී එය වෙළඳාමක් තත්ත්වයට පරිවර්තනය කිරී මක් බව සජීව චාමිකර පෙන්වා දුන්නේය.

විෂයභාර අමාත්‍යවරයා විසින්ම පාර්ලිමේන්තුවෙන් සම්මත වූ ආඥා පනතේ බලතල අතික‍්‍රමණය කරමින් කටයුතු කිරීම යනු ඉතාම හානිකර තත්ත්වක් බවත් පරිසර සංරක්ෂණ භාරය කියා සිටී.

මේ පිළිබඳව වනජීවී සම්පත් සංරක්ෂණ අමාත්‍ය ගාමිණී විජිත් විජයමුණි සොයිසා ගෙන් විමසීමක් කල විට ඔහු කියා සිටියේ මේ පිළිබඳව පසුව ප්‍රකාශයක් ලබා දෙන බවයි.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.