නවී පිල්ලේ හමුවූ අයට රජයෙන් සහතිකයක්

අවසාන යාවත්කාලීන කිරීම :  2013 සැප්තැම්බර් 2 සඳුදා - 18:05 GMT

ශ්‍රව්‍ය දෘශ්‍ය වාදනය

මානව හිමිකම් පිලිබඳ එක්සත් ජාතීන්ගේ මහ කොමසාරිස්වරිය උතුරු හා නැගෙනහිරදී හමුවූ අය ට එරෙහිව කිසිදු මර්දනයක් දියත් නො කැරෙන බවට ශ්‍රී ලංකාවේ රජය සහතික වෙයි.

නරඹන්න​mp4

මෙය වාදනය කිරීම සඳහා අලුත්ම Flash Player බාගතකලයුතු අතර Java Script අනිවාර්යයෙන්ම ක්‍රියාත්මක කළයුතුය

Windows player යොදාගෙන වාදනය කරන්න

උතුරු හා නැගෙනහිරදී මානව හිමිකම් පිලිබඳ එක්සත් ජාතීන්ගේ මහ කොමසාරිස්වරිය හමුවූ අය ට එරෙහිව කිසිදු මර්දනයක් දියත් නො කැරෙන බවට ශ්‍රී ලංකාවේ රජය සහතික විය.

විදේශ ඇමැති ජී එල් පීරිස් මෙම සහතිකය ලබා දුන්නේ තමන් හමුවූ යුද පීඩිතයන් හා මානව හිමිකම් ක්‍රියාධාරීන් තර්ජනයට ලක්වූ බවට නවී පිල්ලේ කොළඹදී කළ ප්‍රකාශය සම්බන්ධයෙන් බීබීසී ය ලන්ඩනයේ ශ්‍රී ලංකා මහා කොමසාරිස් කාර්යාලයේදී කළ විමසුමකදී.

මහාචාර්ය පීරිස් සඳුදා ලන්ඩනයේ විශේෂ මාධ්‍ය හමුවක් පැවැත්වුයේ මහ කොමසාරිස්වරිය සිය සත්දින ශ්‍රී ලාංකික සංචාරය අවසානයේ කළ ප්‍රකාශ වලට ප්‍රතිචාර දැක්වීම සඳහා.

ත්‍රිකුනාමලයේ දී තමන් හා සාකච්ඡා කළ බොහෝ සාමාන්‍ය වැසියන්, මාධ්‍යවේදීන් හා අඩුම වශයෙන් පුජකවරුන් දෙදෙනකු මෙන්ම මුලතිව් වැසියන්ද මෙතැන ඔබන්න​ පොලිසියේත් හමුදාවේත් ප්‍රශ්න කිරීමට ලක්වූ බව නවී පිල්ලේ ප්‍රකාශ කොට තිබුණි.

සමතුලිත හෝ සාධාරණ නෑ

මහ කොමසාරිස්වරිය ශ්‍රී ලංකාවේ රජයට ඒ පිළිබඳව නිල පැමිණිල්ලක් කර නැතත් පරීක්ෂණයක් පවත්වන බවයි ජී එල් පීරිස් අමාත්‍යවරයා පැවසුවේ.

නවී පිල්ලේ ශ්‍රී ලංකාවේ රජය සම්බන්ධයෙන් ප්‍රකාශ කළ දෑ ‘සමතුලිත බවින් හෝ සාධාරණ කමින් මුළුමනින්ම තොර වුවක්,’ ලෙසින් බැහැර කළ විදේශ අමාත්‍යවරයා මහ කොමසාරිස් ලෝකය නොමග යවන බවට චෝදනා කළේය .

මෙතැන ඔබන්න​ ශ්‍රී ලංකාවේ ආණ්ඩුව අධිකාරි වාදය දිසාවට ගමන් කරමින් සිටින බවට නවී පිල්ලේ සිය ශ්‍රී ලාංකික සංචාරය හමාරයේ කොළඹදී ඉදිරිපත් කළ නිරීක්ෂණයද විදේශ ඇමැති වරයාගේ දෝෂ දර්ශනයට ලක් විය.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.