විශ්ව විද්‍යාලයේ ශාස්ත්‍රීය නිදහසට බාධා - විශ්ව විද්‍යාල ආචාර්යවරු

අවසාන යාවත්කාලීන කිරීම :  2013 අගෝස්තු 17 සෙනසුරාදා - 17:27 GMT

විශ්ව විද්‍යාල ආචාර්යවරුන් කිහිප දෙනෙකු ලන්ඩනයේ සමුළුවකට සහභාගිවෙමින් බෙදුම්වාදයටත් ආණ්ඩු විරෝධයටත් දිරි දීමට කටයුතු කළාය යන පදනමින් ඔවුන්ට විරුද්ධව කටයුතු කිරීමට ඉඩ ඇතැයි යුද හමුදා මාණ්ඩලික ප්‍රධානී ජෙනරාල් ජගත් ජයසූරිය, විශ්ව විද්‍යාල ප්‍රතිපාදන කොමිසමේ සභාපතිනි ක්ශානිකා හිරිඹුරේගම මෙන්ම නියෝජ්‍ය ඇමති නන්දිමිත්‍ර දිසානායක ප්‍රකාශ කොට තිබීම විශ්ව විද්‍යාල මිලිටරි කරණය කිරීමට ගන්නා උත්සාහයේ තවත් පියවරක් බව විශ්ව විද්‍යාල ආචාර්යවරුන්ගේ සමිති සම්මේලනයේ සභාපති ආචාර්ය නිර්මාල් රන්ජිත් දේවසිරි ප්‍රකාශ කරයි.

“මෙය ඉතාම භයානක ක්‍රියා දාමයක් ලෙසයි , “ ඔහු එය හඳුන්වා දුන්නේ.

යුද හමුදාව එක පැත්තකින් ඊට සම්බන්ධව අදහස් දක්වද්දී විශ්ව විද්‍යාල ප්‍රතිපාදන කොමිසමේ සභාපතිනිය, අදහස් ප්‍රකාශ කිරීමේ අයිතිය ශාස්ත්‍රීය නිදහස පිළිබඳව කිසිදූ අවබෝධයකින් තොරව ප්‍රකාශයන් කරන බවයි ආචාර්ය නිර්මාල් රන්ජිත් දේවසිරි කියා සිටියේ.

විශ්ව විද්‍යාල ආචාර්යවරයකුට විවේචනාත්මක හා විචාරාත්මක අදහස් ප්‍රකාශ කිරීමට ඉදිරියයේදී ඉඩ ලබා නොදෙන බව මෙයින් පෙනී යන බවයි ඔහු පෙන්වා දෙන්නේ.

විශ්ව විද්‍යාල ආචාර්යවරුන් සම්බන්ධයෙන් ප්‍රකාශ නිකුත් කිරීමට හමුදාවට අයිතියක් නැති බව පවසන විශ්ව විද්‍යාල ආචාර්යවරුන්ගේ සමිති සම්මේලනයේ සභාපති ආචාර්ය නිර්මාල් රන්ජිත් දේවසිරි විශ්ව විද්‍යාල ආචාර්යවරුන් විදේශ ගත වන අවස්ථාවලදී අනුගමනය කළ යුතු ක්‍රියා පටිපාටියක් ඇති බවත් එය විශ්ව විද්‍යාල ප්‍රතිපාදන කොමිසමේ කාර්යයක් බවත් ප්‍රකාශ කළේය.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.