අගවිනිසුරු ශිරාණි අල්ලස් කොමිසමට කැඳවීම 'දඩයමක්'

අවසාන යාවත්කාලීන කිරීම :  2013 මාර්තු 12 අඟහරුවාදා - 12:02 GMT
Shirani Bandaranayake

මාර්තු 18 වැනිදා කොමිසම ඉදිරියේ පෙනී සිටින මෙන් අගවිනිසුරුවරියට කැඳවීමක් ලැබී ඇති බව නීතිවේදීන්ගේ එකමුතුව පවසයි

අල්ලස් සහ දූෂණ විමර්ශන කොමිසම ඉදිරියේ පෙනී සිටින මෙන් අගවිනිසුරු ශිරාණි බණ්ඩාරනායකට නියෝග කිරීම ඇය "දඩයම් කිරීමේ" ආණ්ඩුවේ ක්‍රියා දාමයේ තවත් පියවරක් බව නීතිවේදීන්ගේ එකමුතුව පවසයි.

ලබන මාර්තු 18 වැනිදා කොමිසම ඉදිරියේ පෙනී සිටින මෙන් අගවිනිසුරුවරියට කැඳවීමක් ලැබී ඇති බවයි, නීතිවේදීන්ගේ එකමුතුව නිකුත් කළ නිවේදනයක දැක්වෙන්නේ.

මෙය දෝෂාභියෝග ක්‍රියාදාමයේදී ආචාර්ය බණ්ඩාරනායක දැක්වූ "නිර්භීත ස්ථාවරය" සම්බන්ධයෙන් ඇයගෙන් පාලි ගැනීම පිණිස ආණ්ඩුව ගත ක්‍රියාමාර්ගයක් බව ද එහි සඳහන් වේ.

දෝෂාභියෝග ක්‍රියාදාමයෙන් අනතුරුව ශිරාණි බණ්ඩාරනායක සහ දෝෂාභියෝගයට ප්‍රසිද්ධියේ විරෝධය පළ කළ නීතිවේදීන්ට හිරිහැර කිරීම නවත්වන මෙන් ආණ්ඩුවෙන් ඉල්ලීමක් කරන නීතිවේදීන්ගේ එකමුතුව, ආණ්ඩුවේ මතයට විරුද්ධ මතයක් දැරීමේ සියලු ශ්‍රී ලංකාවාසීන් සතු ප්‍රජාතන්ත්‍රවාදී අයිතිය ආරක්ෂා කරන මෙන් ද ඉල්ලා සිටියි.

වැඩි තොරතුරු සඳහා

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.