'හමුදා ඉඩම් කොල්ලයට' එරෙහිව කිලිනොච්චියේ උද්ඝෝෂණ

අවසාන යාවත්කාලීන කිරීම :  2012 ජුනි 26 අඟහරුවාදා - 14:44 GMT
Protest in Murukandi, Kilinochchi

'අපේ ඉඩම්වලට, අපේ ගම්වලට අපේ මිනිස්සුන්ට යන්න ඉඩ දෙන්න. ඉඩම් අත්පත් කරගන්න එක වහාම නතර කරන්න'

ශ්‍රී ලංකා යුද හමුදාව උතුරේ දෙමළ ජනයාට අයත් ඉඩම්වල බලහත්කාරයෙන් පදිංචිවී සිටීම නිසා යුද අනාථයන් යලි පදිංචි කිරීමට මෙන්ම ප්‍රදේශයේ කෘෂිකර්මාන්තයට සහ ධීවර කර්මාන්තයට බාධා පැමිණ ඇති බව උද්ඝෝෂකයෝ පවසති.

බලහත්කාරයෙන් අත්පත් කරගෙන සිටින උතුරේ ඉඩම්වලින් හමුදාව ඉවත් කරගන්නා මෙන් ඉල්ලමින් කිලිනොච්චිය තිරිමුරුකන්ඩි කෝවිල අසල පැවති උද්ඝෝෂණයක් ඇමතූ දෙමළ ජාතික සන්ධානයේ පාර්ලිමේන්තු මන්ත්‍රී මාවෙයි සේනාධිරාජා ප්‍රදේශයේ දෙමළ ජනතාව කෘර අන්දමින් පාලනය කරන බවට හමුදාවට චෝදනාවක්ද එල්ල කළේය.

දෙමළ ජාතික සන්ධානය, දෙමළ ජාතික මහජන පෙරමුණ, නව සමසමාජ පක්ෂය, ශ්‍රී ලංකා සමාජවාදී පක්ෂය ඇතුළු පක්ෂ ගණනාවක නියෝජිතයෝ මෙම උද්ඝෝෂණයට එක්වී සිටියහ.

"අපේ ඉඩම්වලට, අපේ ගම්වලට අපේ මිනිස්සුන්ට යන්න ඉඩ දෙන්න. ඉඩම් අත්පත් කරගන්න එක වහාම නතර කරන්න කියන එක තමයි අපේ ප්‍රධාන ඉල්ලීම," බව එයට එක්වී සිටි එම්.කේ. සිවාජිලිංගම් හිටපු මන්ත්‍රීවරයා බීබීසී සංදේශයට පැවසීය.

මීට කලින් යාපනයේද මෙවැනිම උද්ඝෝෂණයක් දියත් කළ බවද ඔහු සඳහන් කළේය.

දෙමළ ජනතාවගේ ඉඩම් අත්පත්කරගෙන සිටින පිරිසට ශාපවේවායි කියමින් තිරිමුරුකන්ඩි කෝවිල ඉදිරිපස පොල්ගසා ආරම්භ වූ උද්ඝෝෂණ ව්‍යාපාරය අවසන් වූයේද එලෙසින්.

වැඩි තොරතුරු සඳහා

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.