රතුපස්වල කම්හල වැසීමට පියවර

අවසාන යාවත්කාලීන කිරීම :  2014 ජනවාරි 27 සඳුදා - 12:09 GMT

ශ්‍රව්‍ය දෘශ්‍ය වාදනය

මත භේදයට තුඩු දී තිබෙන රතුපස්වල කර්මාන්ත ශාලාව වසා දැමීමට කටයුතු කරන බව නීතිපතිවරයා අභියාචනාධිකරණයට දැනුම් දී තිබේ.

නරඹන්න​mp4

මෙය වාදනය කිරීම සඳහා අලුත්ම Flash Player බාගතකලයුතු අතර Java Script අනිවාර්යයෙන්ම ක්‍රියාත්මක කළයුතුය

Windows player යොදාගෙන වාදනය කරන්න

මත භේදයට තුඩු දී තිබෙන රතුපස්වල කර්මාන්ත ශාලාව වසා දැමීමට කටයුතු කරන බව නීතිපතිවරයා අභියාචනාධිකරණයට දැනුම් දී තිබේ.

අදාළ කර්මාන්ත ශාලාව වසා දැමීමේ නියෝගයක් නිකුත් කරන මෙන් ඉල්ලා සියනෑ ජලය සුරැකීමේ සංවිධානය ගොනු කළ පෙත්සමක් කැඳවූ අවස්ථාවේ රජයේ නීතිවේදිනිය මේ බව දැනුම් දී ඇත.

එහෙත් කොපමණ කලකින් කර්මාන්ත ශාලාව වසා දමන්නේ ද යන්න රජයේ නීතිවේදිනිය අධිකරණය හමුවේ ප්‍රකාශ කර නැත.

'අවිශ්වාසය'

රජය ලබා දෙන පොරොන්දු මත විශ්වාසය තැබිය නොහැකි නිසා පෙත්සම දිගටම විභාග කරන මෙන් තම නීතිවේදීන් ඉල්ලා සිටි බව පෙත්සම ගොනු කළ සියනෑ ජලය සුරැකීමේ සංවිධානයේ කැඳවුම්කරු ප්‍රමිත හෙට්ටිආරච්චි කියා සිටියේය.

ඒ අනුව කර්මාන්ත ශාලාව වසා දැමීම මැයි මස 30 වනදා වනවිට සිදු නොවුනහොත් එදිනට පෙත්සම විභාගය සඳහා කැඳවන බව ද අධිකරණය තීන්දු කර තිබේ.

ජනාධිපති සහතිකය

පානීය ජල දූෂණයට චෝදනා ලබන හේලීස් සමාගමේ රබර් නිෂ්පාදන කම්හල ප්‍රදේශයෙන් ඉවත් කිරීමට ජනාධිපති මහින්ද රාජපක්ෂ රතුපස්වල ජනතාවට සහතික වූයේ ඉකුත් අගෝස්තුවේ.

හේලීස් ව්‍යාපාර සමූහයේ ඩිප්ඩ් ප්‍රඩක්ට්ස් ලිමිටඩ් අත් වැසුම් කම්හලින් පිට කෙරෙන අපද්‍රව්‍ය මගින් පානීය ජලයට විෂ රසායන එකතු වන බව පවසමින් අගෝස්තු මුලදී උද්ඝෝෂණයේ යෙදුන ජනතාවට හමුදාව වෙඩි තැබීමෙන් මියගිය සංඛ්‍යාව තුන් දෙනෙක්.

වැලිවේරිය හමුදා ප්‍රහාරය දේශීය මෙන් ම විදේශීය මානව හිමිකම් සංවිධාන හා ආගමික ආයතන වල දැඩි විවේචනයට ලක් විය.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.