පයිලින් කුණාටුවෙන් උතුරේ ධීවර බෝට්ටුවලට හානි

අවසාන යාවත්කාලීන කිරීම :  2013 ඔක්තෝබර් 13 ඉරිදා - 12:36 GMT

ශ්‍රව්‍ය දෘශ්‍ය වාදනය

ඉන්දියාවේ ඔරිස්සා සහ ආන්ද්‍රා ප්‍රාන්ත හරහා හමා ගිය ෆයිලින් කුණාටුවට ගොදුරු වීමෙන් යාපනයේ සහ මුලතිවු ප්‍රදේශවල ධීවර බෝට්ටුවලට හානි සිදු වී ඇති බව ශ්‍රී ලංකා බලධාරීහු පවසති.

සවන් දෙන්න​mp3

මෙය වාදනය කිරීම සඳහා අලුත්ම Flash Player බාගතකලයුතු අතර Java Script අනිවාර්යයෙන්ම ක්‍රියාත්මක කළයුතුය

Windows player යොදාගෙන වාදනය කරන්න

ඉන්දියාවේ ඔරිස්සා සහ ආන්ද්‍රා ප්‍රාන්ත හරහා හමා ගිය ෆයිලින් කුණාටුවට ගොදුරු වීමෙන් යාපනයේ සහ මුලතිවු ප්‍රදේශවල ධීවර බෝට්ටුවලට හානි සිදු වී ඇති බව ශ්‍රී ලංකා බලධාරීහු පවසති.

Fishermen ins Sri Lanka

කුණාටුව හේතුවෙන් ශ්‍රී ලංකාවේ ජීවිත හානි වාර්තා වී නැති බව අමාත්‍යවරයා පවසයි

ෆයිලින් කුණාටුව නිසා ඉන්දියාවේ යටත් පිරිසෙයින් හත් දෙනෙකු වත් මිය ගොස් ඇති නමුත්, කුණාටුව ළඟා වීමට පෙර ප්‍රදේශවාසීන් ඉවත් කිරීමට බලධාරීන් ක්‍රියාත්මක වීම නිසා සිදුවීමට තිබූ බරපතළ ජීවිත හානියක් වළකා ගැනීමට හැකි වී ඇති බව වාර්තා කරුවෝ පවසති.

කුණාටුව සම්බන්ධයෙන් උතුරේ ධීවරයන්ටද අනතුරු ඇඟවීමට ශ්‍රී ලංකා බලධාරීන් පියවර ගැනීම හේතුවෙන් ජීවිත හානි කිසිවක් වාර්තා වී නැති බව වැඩ බලන ධීවර අමාත්‍ය සරත් කුමාර ගුණරත්න බීබීසී සංදේශයට කියා සිටියේය.

අනතුරු ඇඟවීම් නොදැන දියඹට ගිය ධීවරයන් පිරිසක් බේරා ගැනීමට නාවික හමුදාවට හැකි වූ බවත්, කිසිවෙකු හෝ අතුරුදහන්ව සිටින බවක් මේ දක්වා වාර්තා වී නොමැති බවත් අමාත්‍යවරයා සඳහන් කළේය.

දියඹට යාමේදී ජීවිතාරක්ෂක කබා පැළඳීමේ අවශ්‍යතාවය මේ අවස්ථාවේ යලිත් වරක් ධීවරයන්ට අවධාරණය කරන බවද අමාත්‍ය අමාත්‍ය සරත් කුමාර ගුණරත්න සංදේශයට පැවසීය.

BBC © 2014 බීබීසී නොවන වෙබ් අඩවිවල අන්තර්ගතය පිළිබඳව බීබීසීය වගකීමෙන් නොබැඳේ

මෙම වෙබ් අඩවිය හොඳින්ම කියවිය හැක්කේ style sheets (CSS) ක්‍රියාත්මක කොට තිබෙන අලුත්ම වෙබ් බ්‍රවුසරයක් හරහාය. ඔබේ වත්මන් වෙබ් බ්‍රවුසරය මඟින් ඔබට මේ වෙබ් අඩවිය කියවිය හැකිමුත් එහි අඩංගු සියලු අංග පැහැදිලිව නැරඹීමට ඔබට අවස්ථාව නොලැබෙනු ඇත. ඔබේ වෙබ් බ්‍රවුසරයේ මෘදුකාංග යාවත්කාලින කිරීම හෝ ඔබට හැකිනම්  style sheets (CSS) ක්‍රියාත්මක කිරීම පිළිබඳව සලකා බලන්න.