ඔබේ දුරකථනයේ හෝ පරිගණකයේ මෙය වාදනය කිරීමට අදාළ මෘදුකාංග නැත

මරා දැමුණු කයිරෝ විරෝධතා කරුවන් 500 ඉක්මවයි

15 අගෝස්තු 2013 අවසාන වරට යාවත්කාලීන කළේ 13:40 GMT

මහත් පිරිසකට මරු කැඳවමින් යුද හමුදාව විසින් ආණ්ඩු විරෝධීන්ගේ කඳවුරු බලය යොදා ඉවත් කරනු ලැබූඊජිප්තුවේ කයිරෝ අගනුවරඇඳිරි නීතිය ඉවත් කොට තිබේ.

වාහන ගමනාගමනය ආරම්භ වී ඇතත්, නගරයේ වීදි පුරා ඇත්තේ බිය ජනක නිහඬ බවක්.

නිල සංඛ්‍යාලේඛන අනුව මියගිය සංඛ්‍යාව පන් සියයකට අධිකයි. තුවාල කරුවන් ගණන තුන් දහසකට වැඩියි.

දෙවසරකට ඉහත දී ප්‍රජාතන්ත්‍රවාදය උදෙසා ජනතාව වීදි බට තැන් පටන් ඊජිප්තුවේ වඩාත් ලේ වැගිරුණු දිනයයි මේ.

ඇඳිරි නීතිය ඉවත් කිරීමෙන් පසු කයිරෝවේ නසර් පුරයේ මුස්ලිම් දේවස්ථානයකට සිය ගණනින් ජනතාව එක් වී සිටින්නේ තම ඥාතීන් ගේ සිරුරු මිහිදන් කිරීමට ලබා ගැනීම සඳහා.

එහි සිටින බීබීසී වාර්තා කරුවකු පවසන්නේ, මරණ සිදූ වූ සැබෑ හේතු දැක්වෙන රෝහල් ලිය කියවිලි ලබා දීම ප්‍රතික්ෂේප කැරුණු වගට ඇතැම් පවුල් වල සාමාජිකයන් පැමිණිලි කරන බවයි.

බ්‍රහස්පතින්දා දවසේත් විරෝධතා පෙළපාලි සංවිධානය කොට තිබෙන බවයි මුස්ලිම් සහෝදරත්වය පවසන්නේ.

ඊජිප්තු ප්‍රචණ්ඩතා දැඩි ජාත්‍යන්තර හෙලා දැකීමට ලක් වී තිබේ.