තරඟ පාවා දීම පාලනය කිරීමට ඇති හොඳම ක්‍රමය අපරාධ නීතිය - රාහුල් ඩ්‍රාවිඩ්

8 අගෝස්තු 2013 අවසාන වරට යාවත්කාලීන කළේ 17:59 GMT

මුදලට තරඟ පාවා දීම පාලනය කිරීමට ඇති හොඳම ක්‍රමය අපරාධ නීතිය යටතේ වරද කරුවන්ට දඩුවම් පැමිණවීම යයි ඉන්දීය හිටපු ක්‍රිකට් නායක රාහුල් ඩ්‍රාවිඩ් පවසයි .

Cricinfo ක්‍රිකට් වෙබ් අඩවිය සමඟ සාකච්ඡාවකට එක්වෙමින් ඔහු කියා සිටින්නේ තරඟ පාවා දීම ගැන හුදෙක් ක්‍රීඩකයන් දැනුවත් කිරීමෙන් පලක් නොවන බවයි.

මේ වසරේ ඉන්දීය ප්‍රිමියර් ලීග තරගාවලියේ විශාල වශයෙන් තරග පාවා දීමේ සිද්ධි පැවතී බවට චෝදනා නැගී තිබිණ. වරද කරන්නට නව දැඩි නීති යටතේ දඩුවම් ලබා දීම එකම විසඳුම බව ඔහු ප්‍රකාශ කොට තිබේ.

තරග පාවා දීම සම්බන්ධයෙන් ශ්‍රී ලංකාවේ නීති තිබුනත් තරඟ පාවා දීම සිදුවන සියුම් ආකාරය විමසීමට අවශ්‍ය හැකියාව පොලීසිය සතුව ඇත්ද යන්න සැක සහිත බවයි දුෂණ විරෝධී ට්‍රාන්ස්පයරන්සි ඉන්ටනැෂනල් (Transparency International) ආයතනයේ, නීතිවේදී ක්‍රිෂාන්ත වැලිඅමුණ පවසන්නේ.