Reubaltaich a' PhKK

Airson còrr is còig thar fhichead bliadhna, tha reubaltaich bhon PhKK air a bhith strì an aghaidh airm na Tuirc ann an ceann an ear dheas na dùthcha. Tha e air a thomhais gun deach còrr is dà fhichead mìle neach a mharbhadh sa chòmhraig.

Tha an riaghaltas aig Recep Tayyip Erdogan air a bhith bruidhinn mu 'Iomairt Curdach', agus oidhirpean gus sìth fhaighinn san sgìre. Am measg na thathar a' moladh, an tuilleadh chòraichean do Churdaich ann an craoladh agus foghlam. A thuilleadh air sin, chaidh ochdnar de bhuill a' PhKK thairis air crìoch Iraq ann an meadhan na Dàmhair far an deach an saoradh le feachdan na Tuirc. 'S e seo a' chiad turas a thachair a leithid – mar as tric, bidh buill den PhKK a th' air an glacadh gan cur sa phrìosan fo laghan ceannaircis. Dh'adhbhraich na thachair gàirdeachas san sgìre.

Tha faireachdainnean làidir gu faodadh sìth a bhith air fàire, ach leis an riaghaltas a' diùltadh bruidhinn ri ceannard a' PhKK a tha sa phrìosan, dè cho faisg 's a tha an t-sìth sin?

Twitter

Luchd-naidheachd Eòrpa

Lean luchd-naidheachd Eòrpa 's iad a' siubhal air feadh na Roinn Eòrpa.

Darren Linc

Iain Macaonghais