Feuch Sorchar nan reul
Air corbha nan neul,
Agus ceòlraidh nan speur
Ri luaidh dha.

Sorchar nan reul.

Tighinn le caithrim a-nuas
Bho an Athair tha shuas,
Clàr is inneal nan duan
Ri seirm dha.

Sorchar nan reul.

Chrìosd, a chomraich mo rùin
Cuim nach togainn do chliù!
Ainglean agus naoimh chiùil
Ri luaidh dhut.

Sorchar nan reul.

Mhic Mhoire Oigh nam buadh,
Is fìre fìnne-ghile snuadh,
Liom bu shon a bhi an cluan
Do shaoibhreis.

Sorchar nan reul.

A Chrìosda mo chaoimh,
A Chrìosda ro-naoimh,
Bitheam gach là agus oidhche
Ri luaidh ort.

Sorchar nan reul.

Feuch Sorchar nan reul
Air corbha nan neul,
Agus ceòlraidh nan speur
Ri luaidh dha.

Sorchar nan reul.