Tha an suidheachadh a' toirt buaidh air mu 400 dachaidh air iomall Steòrnabhaigh.

Sgàin pìob uisge anns a' bhaile mu 1600 Dimàirt, a' ciallachadh gun do chaill cuid an t-uisge aca uile gu lèir.

Chaidh luchd-obrach bho Uisge na h-Alba gus a' phìob a chàradh, ach mhothaich iad gun robh i faisg air pìob òitreachais a bha air a milleadh.

Chaidh na pìoban a chàradh ach thathas ag innse do dhaoine an t-uisge a ghoil mus òl iad e.

Chuir Uisge na h-Alba bileagan fiosrachaidh dha na dachaidhean air a bheil an gnothach a' toirt buaidh oidhche Mhàirt.

Tha iad a-nise a' dèanamh deuchainnean air an uisge agus sgaoilidh iad fiosrachadh a bharrachd Diardaoin.

Seo na sgìrean air a bheil an gnothach a' toirt buaidh;

Rathad nam Bèicearan (Newmarket) - HS2 0EA
Beinn na Saighde (Newmarket) - HS2 0DZ
Newvalley - (bho 37b gu ruige Beinn na Dròbh) 1 to 74 - HS2 0DW, 0DN, 0DH,
Beinn na Dròbh - HS2 0DL
Marybank - HS2 0DF, 0DD
Maryhill - HS2 0DJ, 0DG
Moor Cottages - HS2 0DE