Thèid iarraidh air Comhairlichean Diardaoin gabhail ri buidseat calpa ùr airson trì bliadhna, agus anns am bi còrr is £90m nas lugha na chuir iad romhpa anns an Ògmhios an-uiridh.

Thàinig lùghdachadh air a' bhuidseat ri linn 's nach tig uiread de dh'airgead bhon riaghaltas 's a bha iad an dùil.

Ach, thuirt an comhairliche Daibhidh Alston, a tha os cionn buidseatan na comhairle, gur e deagh naidheachd a th' ann gun tèid aca fhathast air na pròiseactan calpa a bh' anns an amharc aca a thoirt gu buil.